જીવલેણ શોખ! / અભરખા મોંઘા પડ્યા: ટ્રેનના ડબ્બા પર ચઢીને અમદાવાદી સગીર યુવક બનાવી રહ્યો હતો રિલ્સ, બન્યું એવું કે...

• રિલ્સ માટે જીવ ન મુકો જોખમમાં !
• મા-બાપ, સંતાનો માટે ચેતવણીરૂપ કિસ્સો
• સગીરે ઈન્સ્ટાગ્રામ રીલ્સ માટે જીવ ગુમાવ્યો

સાંજે મિત્ર સાથે રેલવે ટ્રેક પર ગયો અને ડબ્બા પર ચઢતાં જ નીચે પટકાયો...આજકાલ સોશિયલ મીડિયા ઇન્સ્ટાગ્રામ પર રિલ્સ બનાવવાનો ક્રેઝ વધી રહ્યો છે, સોશિયલ મીડિયામાં વધુ લાઈક મેળવવા અને ફેન ફોલોઈંગ અને મિત્રો વધારવા આવા કરતબો કરતા યુવક યુવતીઓની વર્ગે વધી રહ્યો છે.. કેટલિક વાર દેખા દેખીમાં પણ એકબીજાની નકલ કરવામાં યુવાનો અને નાના વયના બાળકો આવા વીડિયો બનાવતો જોવા મળે છે ત્યારે અમદાવાદમાં આંખ ઉઘાડનારો એક કિસ્સો સામે આવ્યો છે...જે પરિવારની ચિંતા વધારી દેશે...

સોશિયલ મીડિયાના શોખીનો માટે લાલબત્તી સમાન કિસ્સો

સોશિયલ મીડિયામાં ચાલતા ક્રેઝને પગલે અમદાવાદમાં રહેતા 15 વર્ષના સગીરે રેલવે ટ્રેક પર જઈ રિલ્સ બનાવતા પોતાનો જીવ ગુમાવવાનો વારો આવ્યો છે. શહેરના રાણીપ વિસ્તારમાં રહેતો સગીર સાબરમતી સેન્ટ્રલ જેલ પાસે આવેલા રેલવે ટ્રેક પર રિલ્સ બનાવી રહ્યો હતો.. ત્યારે એકાએક કરંટ લાગતા સગીરનું ઘટનાસ્થળે જ મોત નિપજ્યું હતું, સગીર ટ્રેનના ડબ્બા પર ચઢીને રિલ્સ બનાવવા ગયો ત્યારે કરંટ લાગ્યો હતો.. જ્યારે તેની સાથેના મિત્રએ તાત્કાલિક તેના ઘરે જઈ જાણ કરતા દાદા પણ દોડી આવ્યા હતા અને હોસ્પિટલમાં લઈ ગયા હતા પરતું તેનું  પ્રાણપંખેરું ઉડી ગયું હતું. મહત્વનું છે કે આ અગાઉ પણ મૃતક સગીરે અગાઉ પણ રેલવે ટ્રેક પર વીડિયો બનાવ્યો હતો..

મા-બાપ, સંતાનો માટે ચેતવણીરૂપ કિસ્સો

આ લાલબત્તી સમાન કિસ્સાથી પરિવારજનો શીખ લઈ શકે છે કે સોશિયલ મીડિયાનો વધુ પડતો ઉપયોગ ભારે પડી શકે છે, યુવાન-યુવતીઓ રીલ્સ અને વીડિયો બનાવતી વખતે ધ્યાન રાખે કે ફિલ્મો, હીરો-હીરોઇનની સમજ્યા વગરની નકલ ભારે પડી શકે છે, વીડિયો કરતા જિંદગી અને કારકિર્દી મહામુલી છે, યુવાનો જાણ્ય અને સમજ્યા વગર પ્રસિદ્ધિના મોહમાં જાન જોખમમાં મુકી દેતા હોય છે, અને પાછળથી પરિવારને પસ્તાવવાનો વારો આવે છે...વીડિયો બનાવતા માતા પિતાએ પણ પોતાના દિકરા-દીકરીઓનું ધ્યાન રાખવું અનિવાર્ય બની રહે છે.

રેલવે ટ્રેક પર ચાલતો વીડિયો બનાવી તેણે અપલોડ 

અમદાવાદમાં રાણીપમાં સગીર ટ્રેનના ડબ્બા પર ચઢીને રિલ્સ બનાવવા ગયો ત્યારે કરંટ લાગ્યો હતો જોકે બે દિવસ પહેલાં જ તેણે જગતપુર કે રાણીપ આસપાસમાં રેલવે ટ્રેક પર વીડિયો બનાવ્યો હતો. રેલવે ટ્રેક પર ચાલતો વીડિયો બનાવી તેણે અપલોડ કર્યો હતો. સોશિયલ મીડિયામાં અનેક યુવક યુવતીઓ કેનાલ, નદી, રેલવે ટ્રેક તેમજ અલગ અલગ જગ્યા પર વીડિયો બનાવતા હોય છે. પોતાની જિંદગી જોખમમાં મૂકી દેતા હોય છે. ત્યારે માતા-પિતાએ ચેતવાની અને સાવધાની રાખવાની જરૂર છે.  માતા-પિતાએ પોતાના દીકરા દીકરી ક્યાં જાય છે શું કરે છે  તે ઉપરાંત તેમનું સોશિયલ મીડિયા એકાઉન્ટ પણ તપાસતા રહેવું જોઈએ. શું તેઓ આવા ભયજનક વિડીયો બનાવે છે કે કેમ તેનું પણ ધ્યાન રાખવું જરૂરી છે...સોશિયલ મીડિયાના મોહમાં પુત્ર કે પુત્રી ખોટા રસ્તે તો નથી જતાને નહીંતર....