પેટ્રોલ-ડીઝલના વધતા ભાવથી સામાન્ય લોકો હેરાન થઈ રહ્યા છે. સતત 16 દિવસથી પેટ્રોલ-ડીઝલના ભાવમાં વધારો થઈ રહ્યો છે. ત્યારે સરકારે તેનું લોન્ગ ટર્મ સમાધાન માટે ચર્ચા કરી હતી. હાલમાં જ કંપનીઓ દ્વારા સતત 16મી વખત ભાવમાં વધારો કર્યો હતો.
જેને પગલે દેશભરમાં પેટ્રોલ અને ડીઝલના ભાવ ઐતિહાસિક ઊંચી સપાટીએ પહોંચ્યા હતા. ઓઇલ મંત્રાલયે ઇન્ડિયન કોમોડિટીઝ એકસ્ચેન્જને પેટ્રોલ અને ડીઝલનાં ભવિષ્યના કામકાજ કરવાની સૈદ્ધાંતિક મંજૂરી આપી છે.
છેલ્લાં બે સપ્તાહથી પેટ્રોલ-ડીઝલના ભાવ સતત વધી રહ્યા છે ત્યારે આ કોમોડિટીમાં વાયદાને મંજૂરી મળી છે. એક્સચેન્જ દ્વારા સેબી પાસે પેટ્રોલ અને ડીઝલ વાયદા શરૂ કરવા મંજૂરી માંગી હતી. જેના સદર્ભે સેબીએ પેટ્રોલિયમ મંત્રાલય પાસે જવાબ માંગ્યો હતો.
ICEXના એમડી અને સીઇઓ સંજીત પ્રસાદે જણાવ્યું હતું કે અમને આશા છે કે સેબી આ અંગે અંતિમ મંજૂરી આપશે. તાજેતરમાં ભવિષ્યના ભાવ દૈનિક ચર્ચાનો વિષય રહ્યા છે અને આંતરાષ્ટ્રીય બજારમાં ભાવમાં આવેલી તેજીને કારણે તેની સીધી અસર માર્કેટથી લઈને ઉદ્યોગ પર અને બાદમાં અર્થતંત્ર પર થઈ છે.