દિલ્હી સરકારે 18 નવેમ્બરના રોજ હાઇકોર્ટમાં રજૂ કરેલ સોગંદનામામાં કહ્યું હતું કે, રસ્તા પર કારને પ્રાઇવેટ વ્હીકલ ગણાવીને માસ્ક ન લગાડવાથી બચાવી ન શકાય. દિલ્હી સરકારે આ સોગંદનામું તે અરજી પર કર્યું હતું.
કારમાં એકલા હોઇએ ત્યારે માસ્ક પહેરવું અનિવાર્ય ?
દિલ્હીના એક અરજદારે સરકાર પાસેથી 10 લાખ રૂપિયાનું વળતર માંગ્યું હતું
જેમાં બંધ કારમાં એકલા ડ્રાઇવિંગ કરતા માસ્ક ન પહેરનારને 500 રૂપિયાના દંડને કોર્ટમાં પડકારવામાં આવ્યો હતો. શું તમારી કાર ખરેખર એક પ્રાઇવેટ સ્પેસની કેટેગરીમાં આવે છે. ચાલો આપણે જાણીએ કે આ અંગે સુપ્રીમ કોર્ટે શું કહ્યું છે?
અરજદારે 10 લાખ રૂપિયાનું વળતર માંગ્યું હતું -
આપને જણાવી દઈએ કે દિલ્હી સરકારે દિલ્હી હાઈકોર્ટના વકીલ સૌરવ શર્મા દ્વારા દાખલ કરેલી અરજી પર આ સોગંદનામું રજૂ કર્યું છે, જેમાં જણાવાયું છે કે 9 સપ્ટેમ્બરના રોજ ચાલતા વાહનને રોકી દેવામાં આવ્યા હતા અને દંડ ફટકારાવમાં આવ્યા હતા જ્યારે તે પોતે એકલો ઘરેથી ઓફિસે જઇ રહ્યો હતો. આ અંગે અરજદારે હવે માનસિક ત્રાસ માટે 10 લાખ રૂપિયા વળતરની માંગ કરી છે.
દિલ્હીમાં માસ્ક પહેરવાને લઇને ગાઇડલાઇન
દેશની રાજધાનીમાં કોરોના વાયરસની વધતા પ્રભાવને ધ્યાનમાં રાખીને ડિઝાસ્ટર મેનેજમેન્ટના અધ્યક્ષે 8 એપ્રિલના રોજ એક આદેશમાં કહ્યું હતું કે લોકોના હિત માટે તે જરૂરી છે કે જાહેર સ્થળોએ માસ્ક પહેરવા ફરજિયાત રહેશે. વળી, આદેશ જાહેર કરવામાં આવ્યો હતો કે કોઈપણ વ્યક્તિને પર્સનલ અને ઓફિસ વાહનોમાં માસ્ક પહેરવું જરૂરી રહેશે.
શું કહ્યું સુપ્રીમ કોર્ટે ?
સુપ્રીમ કોર્ટે જણાવ્યું હતું કે, સાર્વજનિક સ્થળો પરથી પસાર થતાં વ્હીકલને પબ્લિકની શ્રેણીમાં રાખવામાં આવ્યા છે. સુપ્રીમ કોર્ટે બિહાર રાજ્યના પક્ષ રજૂ કરતી આ અરજીના તર્કને ફગાવ્યો હતો અને કે તેમની કાર પબ્લિક પ્લેસની બહારના વિસ્તારમાં આવે છે. આપને જણાવી દઇએ કે, દિલ્હી હાઇકોર્ટમાં વકીલ સૌરવ શર્માના મામલા અંગેની સુનાવણી 7 જાન્યુઆરીના રોજ થશે.