VIDEO / મધ્ય પ્રદેશ: પ્રથમ વરસાદમાં જ ધડામ દઈને પડ્યો આ પુલ, 529 કરોડ પાણીમાં ગયા

• મધ્ય પ્રદેશમાં ભોપાલ-હોશંગાબાદ હાઈવે પર બનેલો પુલ ધરાશાયી થયો
• પ્રથમ વરસાદમાં જ તંત્રની પોલ ખોલી નાખી
• એક વર્ષ પહેલા જ બનેલો પુલનો એક ભાગ ધડામ દઈને પડ્યો, કરોડો રૂપિયા પાણીમાં ગયા

મધ્ય પ્રદેશના મોટા ભાગના જિલ્લામાં સતત વરસાદના કારણે જ્યાં એક બાજૂ ખેડૂતોના ચહેરા પર ખુશી છે, તો વળી અમુક જગ્યાએ ભારે વરસાદના કારણે સરકારી વ્યવસ્થાઓની પોલી ખુલી ગઈ છે. કેટલાય રસ્તાઓ તો સ્વીમિંગ પુલ પણ બની ગયા છે. તો વળી ઘણી જગ્યાએ પાણી પણ ભરાયા છે, તાજેતરમાં જ રાજધાની ભોપાલને નર્મદાપુરમ સાથે જોડતો પુલ પ્રથમ વરસાદ વેઠી શક્યો નહોતો. જ્યાં ભારે વરસાદના કારણે અડધો ભાગ ઘરાશાયી થઈ ગયો હતો. 

मध्यप्रदेश में भोपाल-होशंगाबाद को जोड़ने वाला नेशनल हाईवे का यह मंडीदीप का पुल पहली बारिश ही नहीं झेल पाया।

क़रीब एक वर्ष पूर्व ही करोड़ों की लागत से बना यह पुल भ्रष्टाचार की भेंट चढ़ गया।

इसके निर्माण की जाँच होना चाहिये व इसके दोषियों पर कड़ी से कड़ी कार्यवाही होना चाहिये। pic.twitter.com/FO2iGQSelw

— Kamal Nath (@OfficeOfKNath) July 25, 2022

પ્રાપ્ત વિગતો અનુસાર જોઈએ તો, રાજધાની ભોપલથી એકદમ અડીને આવેલા મંડીદીપનો આ પુલ કલિયાસોત નદીના ધમસમતા પ્રવાહ સામે ટકી શક્યો નહોતો. રવિવાર- સોમવારની રાતે આ પુલનો એકબાજૂનો ભાગ પડી ગયો હતો. તેથી આ પુલ પરથી પસાર થતાં વાહનવ્યવહાર પર રોક લગાવી દેવામાં આવી છે. હાલમાં જ આ પુલ બનાવવામાં આવ્યો છે. 

क्वालिटी कंट्रोल वाले ड्रोन की बैटरी चार्ज्ड नहीं थी क्या? 🤔

pic.twitter.com/GdAJzRgsZE

— Umashankar Singh उमाशंकर सिंह (@umashankarsingh) July 25, 2022

529 કરોડના ખર્ચે બનાવ્યો હતો આ પુલ

લગભગ 529 કરોડના ખર્ચે આ પુલ બનાવ્યો હતો, આ ઘટના બાદ કોંગ્રેસે સત્તાધારી ભાજપ પર પ્રહાર કરવાના શરૂ કર્યા છે. મધ્ય પ્રદેશના પૂર્વ સીએમ કમલનાથે પુલનો વીડિયો શેર કરતા લખ્યું છે કે, મધ્ય પ્રદેશમાં ભોપાલ-હોશંગાબાદને જોડતો નેશનલ હાઈવે મંડીદીપનો પુલ પ્રથમ વરસાદ પણ સહન કરી શક્યો નહીં. લગભગ એક વર્ષ પહેલા જ કરોડો રૂપિયાના ખર્ચે બનેલો આ પુલ ભ્રષ્ટાચારની હડફેટે ચડી ગયો. તેના નિર્માણની તપાસ થવી જોઈએ અને દોષિતો પર કડક કાર્યવાહી થવી જોઈએ.