દ્વારકાના કલ્યાણપુરના PSI ગગનીયા તેમજ અન્ય પોલીસ કર્મચારીઓ પર કસ્ટડીમાં રહેલા સગીરને બેફામપણે ઢોર માર મારવાનો ગંભીર આક્ષેપ કરવામાં આવ્યો
દેવભૂમિ દ્વારકામાં સગીરને કસ્ટડીમાં મારનો મામલો
4 પોલીસકર્મીઓની કોર્ટમાં ઓળખ પરેડ
સગીર આરોપીએ તમામને ઓળખી બતાવ્યા
ગુજરાત રાજ્યના દેવભૂમિ દ્વારકાના કલ્યાણપુરની ઘટનાની પોલીસબેડામાં બહોળી ચર્ચા જાગી હતી. પોલીસ કસ્ટડીમાં સગીરને માર મારવાની ઘટનાના ઘેરા પ્રત્યાઘાત પણ પડ્યા હતાં. કલ્યાણપુરના PSI ગગનીયા તેમજ અન્ય પોલીસ કર્મચારીઓ પર કસ્ટડીમાં રહેલા સગીરને બેફામપણે ઢોર માર મારવાનો ગંભીર આક્ષેપ કરવામાં આવ્યો હતો.
બીજી તરફ સગીરે કોર્ટમાં ઓળખ પરેડ દરમિયાન PSI ગગનીયા સહિતના ચારેય પોલીસ કર્મચારીઓને ઓળખી બતાવ્યા છે. અઠવાડિયા પહેલા રાણ ગામેથી કથિત દારૂ પ્રકરણમાં પોલીસે સગીર સામે કાર્યવાહી કરી હતી. મેડિકલ રિપોર્ટના આધારે કોર્ટે મારમારવા મામલે તપાસના આદેશ આપવામાં આવ્યા છે. DySP ચૌધરીએ સમગ્ર મામલે વધુ ખાતાકિય તપાસ હાથધરી છે. તેમજ PSI ગગનીયા સામે અગાઉ પણ અનેક ફરિયાદો દાખલ થયેલી છે.