પોલીસ ફરિયાદ / અમદાવાદની યુવતીનું બોરસદમાં કારસ્તાન,નશામાં ચૂર થઈ મંદિરમાં માતાજીને ચડાવ્યો દારૂ

• બોરસદમાં યુવતીએ માતાજીના મંદિરમાં દારૂ ચઢાવ્યો 
• મંદિરમાં દારૂ ચઢાવાને લઈ સર્જાયો ભારે વિવાદ
• ગ્રામજનોએ યુવતી સામે નોંધાવી પોલીસ ફરિયાદ 

બોરસદમાં આવેલ દાવોલ ગામમાં હાલ એક ભારે વિવાદ સર્જાયો છે. વિવાદ એટલા માટે સર્જાયો છે કારણકે અમદાવાદની એક યુવતીએ દાવોલ ગામે આવેલ માતાજીના મંદિરમાં આવીને માતાજીને દારૂ ચઢાવ્યો છે. જેથી આ મામલે હવે ગામના લોકોમાં રોષનો માહોલ ફેલાયો છે. સાથેજ આ મુદ્દો હાલ ટોક ઓફ ધ ટાઉન બન્યો છે. 

યુવતી નશામાં ચૂર થઈને મંદિરમાં હોબાળો મચાવ્યો 

જે યુવતીએ આ કારસ્તાન કર્યું છે તે યુવતી અમદાવાદની હોવાનું સામે આવ્યું છે. સાથેજ તે મંદિરમાં ઘુસી ત્યારે પણ તે નશામાં ચૂર હતી તેવી માહિતી સામે આવી છે. આ ઉપરાંત યુવતી મંદિરમાં આવીને હોબાળો પણ મચાવ્યો હતો. 

ગ્રામજનોએ કડક કાર્યવાહીની કરી માગ 

સમગ્ર ઘટનાને લઈને ગ્રામજનોમાં રોષનો માહોલ છે અને તેઓ યુવતી સામે કડક કાર્યવાહી કરવાની માગ કરી રહ્યા છે. ગ્રામજનોએ યુવતીને આવું ન કરવા માટે જણાવ્યું તેમ છતા યુવતી એકની બે ન થઈ જેથી આ મામલે  પછી ગ્રામજનો દ્વાકરા યુવતી સામે પોલીસ ફરિયાદ નોંધવામાં આવી છે. સાથેજ તેની સામે કડક કાર્યવાહી તેવી પણ ગ્રામજનોએ માગ કરી છે. 

અગાઉ એક યુવક સામે દુષ્કર્મની ફરિયાદ નોંધાવી હતી 

ઉલ્લેખનીય છે કે યુવતીએ અગાઉ એક યુવક સામે દુષ્કર્મની ફરિયાદ પણ નોંધાવી હતી તેવી માહિતી પણ સામે આવી છે. જોકે સમગ્ર મામલે પોલીસે અમદાવાદની યુવતી સામે ફરિયાદ નોંધી લીધી છે અને તેની સામે કાયદેસરની કાર્યવાહી હાથ ધરી છે.