ઘોર કળિયુગ! / 41 વર્ષ નાની યુવતી સાથે 65 વર્ષના વૃદ્ધે કર્યા લગ્ન, સમારંભમાં પૌત્ર-પૌત્રીઓ પણ થયા સામેલ

• વૃદ્ધ નકછેદ યાદવે પોતાના લગ્નમાં ડાન્સ પણ કર્યો
• આ લગ્ન સમગ્ર વિસ્તારમાં ચર્ચાનો વિષય બન્યા
• દુલ્હન નંદનીની ઉંમર નકછેદની દિકરીની બરાબર છે

ઉત્તરપ્રદેશના બારાબંકીની એક અજીબ ઘટના સામે આવી છે. અહીં 6 દિકરીઓના પિતાએ 24 વર્ષની યુવતી સાથે લગ્ન કર્યા છે. એટલું જ નહી આ વૃદ્ધે પોતાના લગ્નમાં ડાન્સ પણ કર્યો. જેનો વીડિયો સોશિયલ મીડિયામાં વાયરલ થઈ રહ્યો છે. 

પોતાના લગ્નમાં ડાન્સ પણ કર્યો
આ ઘટના જામિન હુસૈનપુર ગામની છે. અહીં 6 દિકરીઓના પિતા 65 વર્ષના વૃદ્ધે પોતાની ઉંમર કરતા 41 વર્ષ નાની યુવતી સાથે ધામધૂમથી લગ્ન કર્યા છે. વૃદ્ધ નકછેદ યાદવે પોતાના લગ્નમાં ડાન્સ પણ કર્યો. રવિવારના દિવસે યોજાયેલા આ લગ્ન સમગ્ર વિસ્તારમાં ચર્ચાનો વિષય બન્યા હતા. 

લગ્નમાં 50 મહેમાનો પણ સામેલ થયા
દુલ્હન નંદનીની ઉંમર નકછેદની દિકરીની બરાબર છે. તેણે પોતાના લગ્ન હિંદુ રીતિ રિવાજ સાથે રુદૌલી વિસ્તારમાં કામાખ્યા દેવી મંદિરમાં કર્યા હતા. આ લગ્નમાં આશરે 50 મહેમાનો પણ સામેલ થયા હતા.

પ્રથમ પત્નીના મોત બાદ એકલવાયુ જીવન જીવતા
જાણકારી મુજબ નકછેદ પ્રથમ પત્નીના મોત બાદ એકલવાયુ જીવન જીવતા હતા. જેના કારણે તેમણે પરિવારની મંજૂરીથી બીજા લગ્ન કરવાનો નિર્ણય કર્યો હતો. નકછેદ પોતાની બીજી પત્ની નંદની સાથે લગ્ન કરી ખૂબ જ ખુશ છે. તેના તમામ બાળકોના લગ્ન થઈ ગયા છે. આ લગ્ન સમગ્ર જિલ્લામાં ચર્ચાનો વિષય બન્યા છે.