ખળભળાટ / અમદાવાદ ફરી શર્મશાર: લગ્નની લાલચ આપી બ્લેકમેલ કરી નરાધમે સગીરા પર આચર્યું દુષ્કર્મ, ફરિયાદ દાખલ

• 14 વર્ષની સગીરા પર આચર્યું દુષ્કર્મ
• શખ્સે સગીરાને આપી હતી લગ્નની લાલચ
• સગીરાના ફોટા વાયરલની આપતો હતો ધમકી

ગુજરાતમાં છેલ્લા ઘણા સમયથી દુષ્કર્મના કેસો વધી રહ્યા છે તે પછી નાની બાળકી હોય કે પછી પરિણીતા. ગુજરાતમાં દિકરીઓ સલામત હોવાની વાતો પોકળ સાબિત થઇ છે. ત્યારે ફરી એકવાર અમદાવાદમાં નરધમે સગીરાને પોતાનો શિકાર બનાવી છે. અમદાવાદમાં સગીરાને લગ્નની લાલચ આપી બ્લેકમેલ કરી એક શખ્સે દુષ્કર્મ આચર્યું હોવાની ઘટના સામે આવી છે. 14 વર્ષની સગીરા સાથે દુષ્કર્મની પૂર્વ મહિલા પોલીસ સ્ટેશનમાં ફરિયાદ નોંધવામાં આવી છે.

સગીરાના ફોટો વાયરલ કરવાની ધમકી આપતો હતો આરોપી 
અમદાવાદના નીરવ ભંડારી નામના શખ્સે 14 વર્ષની સગીરાને પોતાનો શિકાર બનાવી છે. સગીરાના જણાવ્યા અનુસાર, નીરવે લગ્નની લાલચ આપી અને ફોટા વાયરલ કરી દેવાની ધમકી આપીને દુષ્કર્મ આચર્યું છે. આરોપી પોતે પત્રકાર હોવાની ઓળખ આપી ધમકી આપતો હતો. આ મામલે સગીરાએ પૂર્વ મહિલા પોલીસ સ્ટેશનમાં ગુનો નીરવ ભંડારી સામે ગુનો નોંધાવતા પોલીસે આ મામલે તપાસ હાથ ધરી છે. 

ઊંઝા તાલુકામાં કિશોરી પર દુષ્કર્મ
આ ઉપરાંત ઊંઝા તાલુકામાં પણ સગીરા પર દુષ્કર્મ થતાં ખળભળાટ મચી ગયો છે. નરાધમે 13 વર્ષીય કિશોરી પર દુષ્કર્મ આચરતા ચકચાર મચી જવા પામી છે. ભાગી જવાનો કિશોરીએ ઈનકાર કરતા નરાધમે જબરદસ્તીથી ઘરમાં ઘૂસીને કિશોરીને પીખી નાખી છે. હાલ નરાધમ સામે પોલીસે ગુનો નોંધીને વધુ તપાસ હાથ ધરી છે.