છેતરપિંડી / અમેરિકામાં બોગસ યુનિવર્સિટીનો ધમાકેદાર ધંધોઃ 90 વિદ્યાર્થીઓની ધરપકડ, ગુજરાતી કેટલા?

• બોગસ યુનિવર્સિટીમાં એક સેમેસ્ટરની 2500 ડોલર ફી
• 7 સંચાલકોની ધરપકડ કરવામાં આવી
• પકડાયેલા વિદ્યાર્થીઓમાં મોટા ભાગના ભારતીય

ICE ( U.S. Immigration and Customs Enforcement )દ્વારા બોગસ યુનિવર્સિટીમાં એડમિશન લેનારા 90 વિદ્યાર્થીની ધરપકડ કરવામાં આવી છે જેમાંથી મોટા ભાગના ભારતીયો છે અને તેમાં પણ ગુજરાતીઓની સંખ્યા વધુ છે. આ કાર્યવાહી યુએસ ફેડરલ લો એન્ફોર્સમેન્ટ એજન્સીઓ ( United States federal law enforcement agencies ) દ્વારા દેશમાં વધી રહેલી ગેરકાનૂની ઘૂસણખોરીને રોકવા માટે  કરી હતી. 

600માંથી 161 વિદ્યાર્થીની ધરપકડ

ICE  એ માર્ચમાં નકલી યુનિવર્સિટીમાંથી 161 વિદ્યાાર્થીઓની ધરપકડ કરી હતી. જ્યારે માર્ચમાં આ યુનિવર્સિટીને તાળા વાગ્યા ત્યારે તેમાં 600 વિદ્યાર્થીઓના નામ હતા જેમાંથી મોટાભાગના ભારતીયો હતા.  

250માંથી 80 વિદ્યાર્થીઓને વતન મોકલવા તજવીજ

ICE ની તપાસ મુજબ  અત્યારસુધી આ રીતે પકડાયેલા 250 વિદ્યાર્થીઓમાંથી 80 ટકાને પોતાના દેશ પરત મોકલી દેવા તજવીજ હાથ ધરવામાં આવી છે. 20માં કેટલાક જ યુવાનો હતા જે ખરેખર ભણા આવ્યા હતા બાકી મોટા ભાગના લોકોને ખબર જ હતી કે આ બોગસ યુનિવર્સિટી છે. તેમ છતાં વિદ્યાર્થીઓ અહીં અમેરિકામાં રહેવા માટે એડમિશન લઈને આવ્યા હતા જ્યાં કોઈ ક્લાસરૂમ જ નથી.   

સ્થાનિકો કરી રહ્યા છે વિરોધ

ડેમોક્રેટના સેનેટર અને પ્રમુખપદના દાવેદાર  એલિઝાબેથ વોરેને આ કાર્યવાહીનો વિરોધ કર્યો હતો.  તેમણે ટ્વિટર પર જણાવ્યું હતું કે આ વિદ્યાર્થીઓએ અમેરિકામાં ઉચ્ચ ગુણવત્તાયુક્ત ઉચ્ચ શિક્ષણ મેળવવાનું સ્વપ્ન જોયું હતું. ICE એ છએતરપિંડી કરી તેમને પોતાની જાળમાં ફસાવ્યા ફક્ત એટલા માટે કે તેમને પરત મોકલવામાં આવે.

યુનિવર્સિટીએ એક એક સેમેસ્ટરની રૂા. 2500 ડોલર ફી ઉઘરાવી હતી

ICE એ એડમિશન કરાવનારા આઠ લોકોની વિરુદ્ધ ચાર્જશીટ દાખલ કરી છે. તે પૈકી સાત લોકોએ પોતાનો અપરાધ સ્વીકારી લીધો છે. યુનિવર્સિટીમાં એડમિશન લેનારા વિદ્યાાર્થીઓ ભારત સ્થિત અમેરિકન દૂતાવાસ તરફથી જારી કાયદેસર વીઝા પર કાયેદસર રીતે અમેરિકા ગયા હતાં.