પેપ્સિકોએ વુવુજેલા વગાડીને ઇન્ડિયન ક્રિકેટ ટીમની 87 વર્ષનાં ફેન ચારુલતા પટેલને પોતાની સ્વેગ કેમ્પેન માટે નવો ચહેરો બનાવી દીધો છે.
આમ વર્લ્ડકપમાં ટીમ ઇન્ડિયાની ૮૭ વર્ષની ફેન ચારુલતા હવે પેપ્સિની એડ કેમ્પેનમાં જોવા મળશે. બર્મિંગહામમાં ચારુલતાનો ભારતીય ક્રિકેટરો વિરાટ કોહલી અને રોહિત શર્મા સાથે ફેન મોમેન્ટ ફોટો અને વીડિયો વાઇરલ થયો છે. પેપ્સિકોનાં આ પગલાંને જોઇને ICC વર્લ્ડકપ દરમિયાન વધુ એક કોલા વોર છેડાશે એવા નિર્દેશો મળી રહ્યા છે.
પેપ્સિકોના હરીફ કોકાકોલા ICC વર્લ્ડકપના ફ્રંટલાઇન ગ્લોબલ ઓફિશિયલ સ્પોન્સર્સમાંથી એક છે. તેણે પાંચ વર્ષના કરાર માટે રૂ. ૩૦૦ કરોડ ચૂકવ્યા છે. પેપ્સિ સાથે બિયોન્સ અને પ્રિયંકા ચોપરા જેવી કેટલીક ગ્લોબલ સ્ટાર્સ જોડાયેલ છે. હવે કંપની ચારુલતાને વર્તમાન વર્લ્ડકપમાં સ્વેગ સ્ટાર તરીકે પ્રોજેક્ટ કરશે.
— Cricket World Cup (@cricketworldcup) July 2, 2019
ચારુલતા પટેલ 2 જુલાઇના રોજ ભારત-બાંગ્લાદેશ મેચ દરમિયાન ચર્ચામાં આવ્યા હતા. જ્યાં તેમણે ટીમ ઇન્ડિયાને સપોર્ટ કર્યો હતો. આ વાતને એક દિવસ પછી જ પેપ્સિકોએ તેમને પોતાની સાથે જોડી લીધા છે.