અંતિમ તક / 7th Pay Commission: સરકારી કર્મચારી 31 માર્ચ સુધીમાં ફટાફટ પતાવી લે આ કામ, નહીંતર પગારમાં થશે ફેરફાર

સરકારી કર્મચારી ચિલ્ડ્રન એજ્યુકેશન એલાઉન્સની રકમ ક્લેમ કરી શકશે

સરકારી કર્મચારી 31 માર્ચ 2022 સુધી કોઈ પણ પુરાવા વિના ચિલ્ડ્રન એજ્યુકેશન એલાઉન્સની રકમ ક્લેમ કરી શકે છે. કેન્દ્રીય કર્મચારીઓને 7મા પગારપંચની ભલામણો મુજબ દર મહિને બે બાળકો માટે ચિલ્ડ્રન એલાઉન્સ તરીકે 4500 રૂપિયા મળી શકે છે. પરંતુ કોરોના મહામારીને કારણે શાળા બંધ થવાના કારણે આ ક્લેમ કરી શક્યા નહોતા. હવે સરકાર તેમના કર્મચારીઓને તેના માટે અંતિમ તક આપી રહી છે. 

ગયા વર્ષે આપવામાં આવી હતી મોટી રાહત

ગયા વર્ષે મહામારીને કારણે કેન્દ્ર સરકારે ચિલ્ડ્રન એજ્યુકેશન એલાઉન્સ ક્લેમને સેલ્ફ સર્ટીફાઈડ કરી દીધુ હતુ. સરકારના આ નિર્ણયથી 50 લાખ કેન્દ્રીય કર્મચારીઓને રાહત મળી હતી. આ અંગે ડિપાર્ટમેન્ટ ઑફ પર્સનલ અને ટ્રેનિંગે ઓફિસ મેમોરેન્ડમ પણ જાહેર કર્યુ હતુ.

જાણો પહેલા શું હતો નિયમ

પહેલા કર્મચારીઓને બાળકોના શિક્ષણ ભથ્થાનો દાવો કરવા માટે સ્કૂલ પ્રમાણપત્ર અને સહાયક દસ્તાવેજ જમા કરવા પડતા હતા. આ સિવાય બાળકોના રિપોર્ટ કાર્ડ, ફીની સ્વ પ્રમાણિત નકલ અને રસીદ જેવા ઘણા અન્ય દસ્તાવેજો પણ જમા કરાવવા પડતા હતા. ચિલ્ડ્રન એજ્યુકેશન એલાઉન્સનો દાવો કરવા માટે આ દસ્તાવેજની જરૂર પડતી હતી. હવે સંબંધિત કર્મચારીઓ પાસેથી સ્વ પ્રમાણિત અને નક્કી પદ્ધતિ સિવાય પરિણામ/રિપોર્ટ કાર્ડ/ ફી ચૂકવણીના ઈ-મેલ/SMSના પ્રિન્ટ આઉટના માધ્યમથી ક્લેમ કરી શકાય છે.