મહેસાણા / વિડજ ગામે દેશી દારુ ઝડપાતા કડી ઇન્ચાર્જ PI સહિત 7 પોલીસ કર્મી સસ્પેન્ડ, રેન્જ IG અને SPએ કરી કાર્યવાહી

• કડી ઇન્ચાર્જ PI સહિત 7 સસ્પેન્ડ
• કડી D સ્ટાફના PSI પણ સસ્પેન્ડ
• રેન્જ IG અને SP દ્વારા કાર્યવાહી

મહેસાણા જિલ્લાના વીડજ ગામે તાજેતરમાં ગાંધીનગર સ્ટેટ મોનિટરિંગ સેલની ટીમે દરોડો પાડી દેશી દારૂનો મસમોટો જથ્થો ઝડપી લીધો હતો. આ પ્રકરણમાં મહેસાણાના કડી ઈન્ચાર્જ PI એસ.બી ધાસુરા સહિત 7 પોલીસકર્મીઓને સસ્પેન્ડ કરી દેવાતા પોલીસ આલમમાં સોંપો પડી ગયો છે. 

ફરજ દરમિયાન બેદરકારી દાખવવા બદલ કાર્યવાહી
આ અંગે પોલીસ સૂત્રોમાંથી જાણવા મળતી વિગત અનુસાર મહેસાણા જિલ્લાના કડી તાલુકાના વીડજ ગામે એક અઠવાડિયા અગાઉ  સ્ટેટ મોનિટરિંગ સેલે રેડ પાડી હતી.આ દરમિયાન અઢી લાખથી વધુનો દેશી દારૂનો મુદ્દામાલ કબ્જે લેવાયો હતો અને દેશી દારૂ બનાવવાના વોશનો નાશ કરાયો હતો આ સાથે જ ત્રણ આરોપીઑપણ પોલીસ ઝપટે ચડયા હતા. ત્યારબાદ આ મુદ્દે  ફરજ દરમ્યાન બેદરકારી બદલ રેન્જ આઇજી દ્વારા ઈન્ચાર્જ PI એસ.બી ધાસુરાને બે દિવસ પહેલાઆ સસ્પેન્ડ કરી દેવામાં આવ્યા હતા. ત્યારબાદ રેન્જ આઇજી અને SP દ્વારા PI, કડી D સ્ટાફના PSI સહીત 7 પોલીસકર્મીઓને સસ્પેન્ડ કરી દેવાતા પોલીસ બેડામાં ખળભળાટ મચી ગયો છે.  

રેન્જ આઇજી અને SP દ્વારા પોલીસ કર્મીઓને કરાયા સસ્પેન્ડ
ઉલ્લેખની છે કે દારૂબંધીના કાયદા વાળા ગુજરાતમાં લઠ્ઠાકાંડ જેવી હચમચાવી નાખતી ઘટના હજુ તાજી જ છે.  જેને લઈને અનેક લોકો મોતના ખપ્પરમાં હોમાયા હતા. ત્યારબાદ દારૂનું દૂષણ થોડા ઘણા અંશે કાબૂમાં આવ્યું હતું. ત્યારબાદ ફરી આ દુષણ વકરતું હોય તેવી સ્થિતિ સર્જાતાં પોલીસ કર્મીઑ સામે ઉચ્ચકક્ષાએથી આકરા પગલાં લેવાયા હતા.