ઉત્તરપ્રદેશ / સવા કરોડ રૂપિયા જોઈને પોલીસકર્મીઓની દાનત બગડી, મહિલા ઈન્સ્પેક્ટર સહિત 7 સસ્પેન્ડ

• પોલીસકર્મીઓની દાનત બગડી
• પોલીસનું સૌથી મોટુ કૌભાંડ સામે આવ્યું
• મહિલા ઈન્સ્પેક્ટર સહિત 7 સસ્પેન્ડ કરાયા

સસ્પેન્ડ કરવામાં આવેલા પોલીસ કર્મીઓમાં ગાજિયાબાદના ઇન્સ્પેક્ટર લક્ષ્મી ચૌહાણ, સબ ઇન્સ્પેક્ટર નવીન પચૌરી અને પાંચ કોન્સ્ટેબલ બચ્ચુ સિંહ, ફરાજ, ધીરજ, સૌરભ અને સચિન છે. પ્રાપ્ત જાણકારી મુજબ, એક ખાનગી કંપનીના કર્મચારી 21 એપ્રિલે લગભગ સાડા ત્રણ કરોડ રૂપિયા લઇને ફરાર થઇ ગયા હતા.

આ કંપની એટીએમમાં પૈસા ભરવાનું કામ કરે છે. રાજીવ સચાન નામની આ વ્યક્તિ કંપનીના પૈસા લઇને નીકળ્યો હતો પરંતુ તેણે એટીએમમાં જમા ન કરાવ્યા. આરોપીની લક્ષ્મી ચૌહાણે પોતાની ટીમ સાથે ધરપકડ કરી હતી. તથા લગભગ સવા કરોડ રૂપિયા જપ્ત કર્યા હતા. 

આટલી મોટી રકમ હાથ લાગતા જ લક્ષ્મી ચૌહાણ અને તેમની ટીમ લાલચમાં આવી ગઇ હતી. અને જપ્ત કરવામાં આવેલી રકમમાં માત્ર 45 લાખ રૂપિયા બતાવ્યા હતા. આ પોલીસ કર્મીઓને કારણે એકવાર ફરી ઉત્તર પ્રદેશના પોલીસ વિભાગ પર કલંક લાગ્યું છે.