રાજ્યમાં દારૂબંધી હોવા છતાં છાશવારે અનેક વિસ્તારો માંથી દારૂ મળી આવવાની ઘટનાઓ પ્રકાશમાં આવે છે. બુટલેગરો દ્વારા અલગ-અલગ પ્રકારે વિદેશી દારૂ રાજ્યમાં ઘુસાડવા માટે અવનવા પેતરા અજમાવે છે. ત્યારે આ વખતે વાપી ટાઉન પોલીસની ટીમેં એક ટેન્કરમાંથી 7.20 લાખનો દારૂ ઝડપી પાડતા ઝડપી પાડયો છે.
જોકે ચોંકાવનારી બાબત એ છે કે પેટ્રોલ-ડીઝલના ટેન્કર અંદર ચોર ખાના બનાવેલા હતા જેમાં મોટા પ્રમાણમાં વિદેશી દારૂ ભરવામાં આવ્યો હતો.ઉલ્લેખનીય છે કે રાજ્યના છેવાડે આવેલ વલસાડને અડીને આવેલ સંઘપ્રદેશ દમણમાંથી મોટા પ્રમાણમાં વિદેશી દારૂ ઠલવાય છે.
ત્યારે વલસાડ પોલીસ પણ આ દારૂની હેરાફેરી રોકવા માટે અનેક ચેકપોસ્ટો અને સઘન ઓપરેશન હાથ ધરી હોય છે. ત્યારે આ વખતે વાપીના બલીઠા પાસે પસાર થઈ રહેલ આ ટેન્કરને બાતમીને આધારે અટકાવવામાં આવ્યું હતુ અને તપાસ કરાતા આ ટેન્કર ના ચોરખાનામાંથી 7.20 લાખનો વિદેશી દારૂ ઝડપાયો હતો.
પોલીસ દ્વારા કુલ 10 લાખના મુદ્દામાલ સાથે એક આરોપીની ધરપકડ કરી છે. પોલીસની પ્રથામિક તાપસમાં બહાર આવ્યું છે કે આ વિદેશી દારૂ દમણથી સુરતના કામરેજ લઈ જવાતો હતો. જ્યારે પોલીસે આગળની કાર્યવાહી હાથ ધરી છે.