પ્રધાનમંત્રી નરેન્દ્ર મોદીના ઇ-ગવરનન્સના સપનાને સાકાર કરવા માટે ગુજરાત સરકાર આગળ વધી રહી છે, જમીન મહેસુલના 7/12ના ઉતારાને ઓનલાઇન કરાયા છે. ત્યારે વડોદરા કલેક્ટર કચેરી દ્વારા રાજ્યમાં સૌ પ્રથમ કાર્યવાહી પૂર્ણ કરતા 53 લાખ 9 હજાર જુના 7/12 ના ઉતારા સ્કેન વેરીફાઈ કરી ઓનલાઇન કરાયા છે.
જમીન મહેસુલના 7/12ના ઉતારાને ઓનલાઇન કરાયા
વડોદરા કલેક્ટર કચેરી દ્વારા રાજ્યમાં સૌ પ્રથમ કાર્યવાહી પૂર્ણ
વડોદરા કલેક્ટર કચેરીએ હવેથી સંપૂર્ણ પેપરલેસ સિસ્ટમ
વડોદરા કલેક્ટર કચેરી ખાતે છેલ્લા 4 મહિનાની મહેનત બાદ જમીન મહેસુલ વિભાગના વર્ષો જુના 53 લાખ 9 હજાર પાનાના 7/12 ના રેકોર્ડને સ્કેન અને વેરીફાઈ કરી તેમાંથી 52,75418 પાના ઓનલાઇન જાહેર કરાયા છે. પ્રધાનમંત્રી નરેન્દ્ર મોદીના ઇ-ગવરનન્સના સપનાને સાકાર કરવા માટે ગુજરાત સરકાર આગળ વધી રહી છે, જમીન મહેસુલના 7/12ના ઉતારાને ઓનલાઇન કરવાના સરકારના નિર્ણયને વડોદરા કલેક્ટર શાલિની અગ્રવાલના નેતૃત્વ હેઠળ 400થી વધુ કર્મચારીઓએ છેલ્લા 4 મહિનામાં દિવસ રાત એક કરી જમીનોના જુના 7/12ના ઉતારાને કોમ્પ્યુટર દ્વારા સ્કેન કરી જે તે અધિકારીઓ દ્વારા વેરીફાઈ કરી કરાયા છે.
પહેલા ગ્રામ પંચાયત, મામલતદારની કચેરીઓએ લોકોને મેન્યુઅલ ડોક્યુમેન્ટ જમા કરાવવા પડતા હતા તે પળોજણમાંથી મુક્તિ મળી છે. સાથે હવે પછી કોઈપણ અરજદાર ANYROR અને NERORથી ઓનલાઇન નવી અરજીઓ કરી શકશે. દેશ દુનિયાના કોઈપણ ખુણેથી ઓનલાઇન જુના-નવા 7/12ના ઉતારા જોઈ શકશે અને તેની માહિતી મેળવી શકશે, સાથે કોઈપણ નવા કામકાજ માટે તે ડેટાનો ઉપયોગ કરી શકશે, વ્યક્તિએ દેશ કે વિદેશથી પોતાની હાજરી આપવાની કોઈ જરૂર રહેતી નથી, વડોદરા કલેક્ટર કચેરીના મહેસુલ વિભાગ ખાતાને હોવી ટોટલી પેપરલ્સ સિસ્ટમ બનાવવા તરફ આગળ લઇ જવાય રહ્યું છે.
વડોદરાની મહેસુલી જમીનની તમામ કામગીરી ઓનલાઇન
વડોદરા જિલ્લાના 694 મહેસુલી ગામોના તમામ 7/12, 8અ ના નમૂના ઓનલાઈન કરી દેવામાં આવ્યા છે. જેના કારણે હવે વડોદરાની મહેસુલી જમીનની તમામ કામગીરી ઓનલાઇન થઇ રહી છે. જેના કારણે નાગરિકોને હવે નીચેની કચેરીઓના ધક્કા ખાવાની ઝંઝટમાંથી મુક્તિ મળશે. સાથે હવે દુનિયાના કોઈપણ ખૂણેથી જમીન માલીક પોતાની જમીનના હક્કો જોઈ શકશે.