ભારતમાં સૌથી પહેલા જે રાજ્યમાં ઓમિક્રોનના બે કેસ નોંધાયા હતા તેવા કર્ણાટકમાં કોરોના બ્લાસ્ટ થયો છે રાજ્યની બે સ્કૂલમાં 59 વિદ્યાર્થીઓ સહિત 69 લોકો પોઝિટીવ નીકળ્યાં છે.
કર્ણાટકની બે સ્કૂલની ઘટના
59 વિદ્યાર્થીઓ સહિત 69 લોકો કોરોના પોઝિટીવ
તમામમાં કોરોનાનું એક પણ લક્ષણ નહીં
કર્ણાટકની બે સ્કૂલમાં 59 વિદ્યાર્થીઓ સહિત 69 લોકો કોરોના પોઝિટીવ નીકળ્યાં છે. ચિકમંગલુરુ જિલ્લાના સીગોડૂ ગામના જવાહર નવોદય વિદ્યાલયના 40 વિદ્યાર્થીઓ અને એક ટીચરનો કોવિડ ટેસ્ટ કરવામાં આવતા પોઝિટીવ નીકળ્યો હતો. આ તમામ વિદ્યાર્થીઓ સ્કૂલ કેમ્પસની હોસ્ટેલમાં રહેતા હતા. બીજી ઘટનામાં શિવમોગા જિલ્લાની એક પ્રાઈવેટ નર્સિંગ સ્કૂલમાં 29 વિદ્યાર્થીઓ કોરોના પોઝિટીવ આવ્યાં હતા.
પોઝિટીવ થનાર તમામ લોકોમાં કોરોનાનું એક પણ લક્ષણ
પોઝિટીવ થનાર તમામ વિદ્યાર્થીઓ અને બાકીના લોકોમાં કોરોનાનું એક પણ લક્ષણ જોવા મળ્યું નથી. કોરોના પોઝિટીવ તમામ લોકોને ક્વોરન્ટાઈન કરી દેવાયા છે.
457 લોકોનો ટેસ્ટ, 59 વિદ્યાર્થીઓ પોઝિટીવ
ડિસ્ટ્રીક્ટ હેલ્થ ઓફિસર ડોક્ટર એસએન ઉમેશે કહ્યું કે અમે જેએનવીમાં 457 લોકોનો ટેસ્ટ કર્યો હતો જેમાંથી 59 વિદ્યાર્થીઓ અને સ્ટાફના 10 સભ્યોનો ટેસ્ટ પોઝિટીવ આવ્યો છે. તેમણે કહ્યું કે જેએનવીના તમામ ટીચિંગ સ્ટાફનું વેક્સિનેશન થઈ ચૂક્યુ છે. કર્ણાટકમાં સૌથી પહેલા ઓમિક્રોનના બે કેસ નોંધાયા હતા
ઉલ્લેખનીય છે કે ભારતમાં કર્ણાટક રાજ્યમાં સૌથી પહેલા ઓમિક્રોન વેરિયન્ટના બે કેસ નોંધાયા હતા. આ દરમિયાન CSIRના પૂર્વ પ્રમુખ ડો.રાકેશ મિશ્રાનો દાવો છે ચાલુ વર્ષની શરુઆતમાં જ્યારે દેશ કોરોનાની બીજી લહેરનો સામનો કરી રહ્યો હતો ત્યારે ડેલ્ટા વેરિયન્ટ ખતરનાક હતો. હવે આફ્રિકાથી આવેલો ઓમિક્રોન વેરિયન્ટ પણ વધારે ચેપી છે જોકે રાહતની વાત એ છએ કે આ વાયરસ હળવા લક્ષણોની સાથે દેશના મુખ્ય શહેરોમાં પહોંચશે જે ઘણો સારો સંકેત છે.