ઊંઝા APMCમાં કૌભાંડનો આક્ષેપ કરનારા સૌમિલ પટેલે મોટો ખુલાસો કર્યો છે અને પુરાવા પણ આપ્યા છે. મહેસાણાના ઊંઝા APMC દ્વારા સેસ મામલે મહત્વના વીડિયો આવ્યા સામે છે. ખોટી પાવતી બનાવતા વીડિયો આવ્યા સામે છે. મહત્વનું છે કે, સેસની રકમના માત્ર 3 ટકા નાણાં જ APMCમાં જમા થતા હોવાનો આક્ષેપ થઈ રહ્યો છે
ઊંઝા APMCમાં મહાકૌભાંડ
કૌભાંડના આક્ષેપ કરનારા સૌમિલ પટેલે આપ્યા પુરાવા
રૂપિયાની લેતી-દેતીના વીડિયો આવ્યા સામે
ઊંઝા APMCમાં આક્ષેપબાજીનો દોર અને કૌભાંડની શકયતા સેવાઇ રહી છે. 15 કરોડની સેસની આવક ઘરભેગી કરવાનો આક્ષેપ કરાયો છે. ડિરેકટર સંજય પટેલ અને ચેરમેન દિનેશ પટેલનો વિખવાદ જવાબદાર છે. ઊંઝા APMCના ડિરેકટરના ભત્રીજા અને કલાર્ક તરીકે ફરજ બજાવતા સૌમિલે આક્ષેપ કર્યો છે. ઊંઝા APMCના ચેરમેન દિનેશ પટેલે સેસની આવક ઘરભેગી કરી હોવાનો આક્ષેપ કર્યો છે. કલાર્ક સૌમિલ પટેલે CM રૂપાણીને પણ લેખિત રજૂઆત કરી છે. તેવામાં હવે કૌભાંડના આક્ષેપ કરનારા સૌમિલ પટેલે VTV Newsને Exclusive પુરાવા આપ્યા છે.
હિસાબ, પાવતી અને રૂપિયાની લેતી-દેતીના વીડિયો આવ્યા સામે છે. એક જ પાવતીનો બીજીવાર ઉપયોગ કરાતો હતો. વીડિયોમાં પાવતી બનાવીને ફાડી નાખવામાં આવે છે. આવી રીતે ખોટી પાવતી બનાવતા વીડિયો સામે આવ્યા છે.
સરકારમાં જરૂર પડશે ત્યારે પૂરાવા રજૂ કરીશઃ સૌમિલ પટેલ
આ અગાઉ ઊંઝા APMCમાં કૌભાંડનો આક્ષેપ કરનારા સૌમિલ પટેલે VTV News સાથે ચર્ચા દરમિયાન મોટો ખુલાસો કર્યો હતો. આ વાતચીત દરમિયાન તેમણે કહ્યું હતું કે, ધારાસભ્ય, સેક્રેટરી, ચેરમેન દ્વારા કૌભાંડ કરાતું હતું. સરકારમાં જરૂર પડશે ત્યારે પૂરાવા રજૂ કરીશ. એકને એક પાવતી બનાવીને કૌભાંડ કરતા હતા. હું કોઇ જૂથનો વ્યક્તિ કઇ રીતે હોઇ શકું? હું તો કર્મચારી છું.
ઉંઝા APMCમાં ચેરમેન અને તેમના મળતિયાઓએ લાખો રૂપિયાનું કૌભાંડ કર્યું હોવાના આક્ષેપ થયા છે. ત્યારે આ અંગે VTV Newsના મહામંથનમાં ચર્ચા કરવામાં આવી હતી.
તો કૌભાંડ 680 કરોડનું છે?
કૌભાંડની વાત છતી થયા પછી ઊંઝા APMCના સંચાલકો બચાવ કરી રહ્યાં છે
ઊંઝા APMCના સેક્રેટરી કહી રહ્યાં છે કે અમે વહીવટ પારદર્શક કર્યો છે
જો સૌમિલ પટેલના આક્ષેપોને સાચા માનીએ તો કૌભાંડ મોટું થયું છે
સૌમિલ પટેલ કહી રહ્યાં છે કે માત્ર 3 ટકા સેસ જ ચોપડે જમા થતી હતી
જ્યારે સેક્રેટરી કહી રહ્યાં છે કે એક વર્ષમાં 26 કરોડ સેસ તરીકે જમા થયા છે
કુલ જમા થયેલી સેસના 3 ટકા લેખે સેસ 26 કરોડ થતી હોય તો આંકડો મોટો થાય
706 કરોડ રૂપિયા સેસ ઊંઝા APMCમાં આવી હોય તો જ ચોપડે 26 કરોડ જમા થાય
706 કરોડ રૂપિયાના 97 ટકા રૂપિયા એટલે 680 કરોડ કોઈના ખિસ્સામાં ગયા હોય
680 કરોડ રૂપિયાની પહોંચ ઊંઝા APMCમાં બની ખરી પણ રકમ જમા ન થઈ
આમ ઊંઝા APMCમાં 680 કરોડ રૂપિયાનું કૌભાંડ થયું છે જેની તપાસ થવી જોઈએ
આ ઘટનાની સાચી તપાસ થાય તો આંકડો આનાથી પણ મોટો આવી શકે
કારણ કે એક જ વર્ષમાં જમા થયેલી સેસના આધારે આંકડો 680 કરોડે પહોંચી રહ્યો છે
જો વર્ષો વર્ષ કેટલી સેસ જમા થઈ અને કેટલી ચાઉં થઈ તેની તપાસ થાય તો સાચી જાણ થાય
સૌમિલ પટેલને નોટિસ ફટકારી અને છેતરપિંડીની પોલીસ ફરિયાદ કરી
ઓફિસમાં જમા થયેલી રકમ ચેરમેનના માણસો લઇ જતા. ઓફિસ સિવાય માર્કેટ સેસ વિભાગમાં આવીને પણ રોકડ લઇ જતા. આરોપ મુજબ ચેરમેન દિનેશ પટેલના માણસો લઇ જતા. ચેરમેનનો અંગત એકાઉન્ટન્ટ-ભત્રીજો રકમ લઇ જતા. સેસ પેટે જમા આવતી રકમમાંથી 3%ની જ પાવતી બનતી. 97% રકમ ચેરમેનના અંગણ માણસો સગેવગે કરી દેતા. APMCના કર્મચારી સૌમિલ પટેલે કૌભાંડ બહાર લાવ્યા છે. ગુપ્ત કેમેરાની મદદથી કૌભાંડના પુરાવા એકત્ર કર્યા છે. અત્યાર સુધીમાં 15 કરોડથી વધુનું કૌભાંડ કર્યાની શક્યતા છે. સૌમિલ પટેલને નોટિસ ફટકારી અને છેતરપિંડીની પોલીસ ફરિયાદ કરી છે.
સેસની આવકમાં ઘાલમેલ
ચોપડે 3% લેવાતા બીજા ચેરમેન ચાઉં કરી જતા
દર 15 દિવસે વેપારીએ સેસ ભરવાની હોય છે
સેસ ભરવા માટે 5 દિવસનો સમયગાળો અપાય છે
સેસ પેટે ઓફિસમાં આવતી રકમમાંથી 3%ની જ પાવતી બનતી
3% સિવાયની 97% રકમ ચેરમેન ચાઉં કરી જતા
APMCમાં 15 ફેબ્રુઆરી-મે ના અંત સુધીમાં જીરુના વેપારની સિઝન
રોજ 50 હજારથી વધુ બોરોથી વધુ આવતી. 60% સેસની રકમ ઊંઝા APMC ચેકથી વસુલાતી, 40% સેસની રકમ રોકડ ભરવાની થતી જેથી રોજ 20 હજાર બોરી પ્રમાણે એક બોરી પર રૂ.50 સેસ લેવાતી હોવાથી રોજની આવક 10 લાખ થતી. .સિઝનના 4 માસમાં 8થી 10 કરોડ રૂપિયા થતી જેમાંથી માત્ર 3% રકમ APMCમાં જમા થતી હતી
આશા પટેલને પણ કૌભાંડની જાણ હતીઃ સૌમિલ પટેલ
સૌમિલ પટેલે મોટો ખુલાસો કર્યો છે કે, કૌભાંડ 15 મહિનાથી ચાલતું હતું જેની ઊંઝાના ધારાસભ્ય આશા પટેલને પણ કૌભાંડ વિશે જાણ હતી. સૌમિલે આક્ષેપ કર્યો કે આશા પટેલની હાજરીમાં મને દિનેશ પટેલે કટકી વિશે સમજાવ્યું હતું. કટકી વિશે સમજણ આપતી વખતે આશા પટેલ અને સેક્રેટરી પણ ચેમ્બરમાં હાજર હતા. 2 ટકા સેસ જ ચોપડે બતાવવા દિનેશ પટેલે કહ્યું હોવાનો સૌમિલે આક્ષેપ કર્યો છે. તો ઊંઝા APMCના સેક્રેટરી વિષ્ણુ પટેલને પણ 15 મહિનાથી કૌભાંડની જાણનો ખુલાસો કર્યો છે. ઊંઝા APMCમાં કૌભાંડ કરનારા કેટલા તે મોટા સવાલના જવાબ શોધવા જરૂરી છે. જોકે આ મામલે ઊંઝાના પૂર્વ ધારાસભ્ય નારાયણ પટેલે મીડિયા સામે બોલવાનો ઇન્કાર કર્યો છે.
APMCના 2 ડિરેક્ટોરએ પણ કૌભાંડની વાત સ્વીકારી
સંજય પટેલ અને મીનાબેન પટેલે કૌભાડ સામે લાવનાર સૈમિલ પટેલને રૂબરુ બોલાવી તમામ પુરાવાઓ, વીડિયો રેકોર્ડિંગ ચેક કર્યા હતા અને સરકાર તપાસ કરે એવી માગ કરી હતી.
ચેરમેને પોતાના પર લાગેલા આક્ષેપો ફગાવ્યા
ચેરમેને પોતાના પર લાગેલા આક્ષેપો ફગાવ્યા છે. ચેરમેને કહ્યું આક્ષેપ કરનારાઓની GST ચોરી કેસમાં સંડોવણી છે. GST ચોરી કેસમાં મદદ નહીં કરતા મારા પર આક્ષેપ લગાવાયા છે. ડિરેકટરે પોતાના ભત્રીજા મારફતે કેમેરા લગાવી મારા પર આક્ષેપ કર્યા છે. સંજય પટેલ નામના ડિરેકટર જી એસ ટી ચોરીમાં સંડોવાયેલા છે.તો કો ઓપટ સભ્ય મીનાબેન પટેલ ના દિયર ધર્મેન્ડ ઉર્ફે ધમો.મિલન જુગાર ના કેસમાં પકડાયો હતો.આ કેસમાં મદદ નહીં કરતા સંજય પટેલે પોતાના ભત્રીજા અને કર્મચારી સૌમિલ પટેલ મારફતે કેમેરા લગાવ્યા હતા.અને ત્યારબાદ આક્ષેપ કરવામાં આવ્યા છે
ઊંઝામાં સેસ કેવી રીતે લેવાય?
વાસ્તવમાં કોઈપણ APMCની મૂળ આવક એ સેસ જ છે. સેસથી કોઈપણ APMC કેટલી સદ્ધર છે એની ખબર પડે છે. સેસ એ વાસ્તવમાં ખેડૂતના પરસેવાની કમાણી છે. જે કમાણી APMCને થાય છે અને તેના સત્તાધીશો જલસા કરે છે. સેસથી જ APMCનો વિકાસ થાય છે અને ફાઈવ સ્ટાર ભવનો બંધાય છે. ઊંઝા APMCમાં ખેડૂત માલ લઈને પેઢી પર આવે છે. પેઢી પર માલની હરાજી થાય છે અને APMCનો ઈન્સપેક્ટર તેની નોંધ કરે છે. ખેડૂતને પેઢી પૈસા ચૂકવે છે અને પેઢી પાસેથી વેપારી માલ ખરીદે છે. વેપારી માલ હરાજીથી ખરીદે છે પણ હરાજી પેઢી પર જ થાય છે. આમ પેઢી ખેડૂતને રોકડા પૈસા ચૂકવે છે અને વેપારી પાસેથી નાણાં વસૂલે છે.
આમ ખેડૂતનો માલ બે લોકો દ્વારા વેચાય છે એક પેઢી અને બીજો વેપારી દ્વારા. પેઢીને કાચા વેપારી તરીકેની સેસ APMCમાં જમા કરવાની હોય છે. જ્યારે વેપારીને પાકા વેપારી તરીકે ઊંઝા APMCમાં સેસ જમા કરાવવાની હોય છે. પેઢી કુલ વેચાણના અડધો ટકો સેસ ઊંઝા APMCને ચૂકવે છે.
જો પેઢીએ એક હજારનો માલ વેપારીને વેચ્યો હોય તો પેઢીએ 5 રૂપિયા સેસ ભરવાની થાય. તેવી જ રીતે પેઢી પાસેથી માલ ખરીદનાર વેપારીએ 75 પૈસા સેસ APMCમાં જમા કરવાની હોય. જો એક હજાર રૂપિયાનો માલ વેપારીએ પેઢી પાસેથી લીધો હોય તો તેને 7.50 રૂપિયા ભરવાના થાય. આમ પેઢી એ ખેડૂતને પ્લેટફોર્મ પુરુ પાડે છે અને વેપારી માલ પેઢી પાસેથી ખરીદે છે.
ઊંઝા APMCએ પેઢી અને વેપારી પાસેથી સેસ લઈને ચોપડે જમા કરવાની હોય છે. આ સેસની રકમ ઊંઝા APMCમાં જમા થાય અને તેની રસીદ પેઢી-વેપારીને આપવાની હોય છે. ઊંઝા APMCમાં જે કૌભાંડ થયું તે સેસનું કૌભાંડ થયું છે. વેપારી અને પેઢીએ તેમને ભરવાની થતી સેસ ભરી પણ ઊંઝા APMCમાં પુરતી જમા ન થઈ. માનો કે વેપારી-પેઢીએ મળીને 100 રૂપિયા સેસ જમા કરી પણ ચોપડે માત્ર 3 રૂપિયા જ જમા કરાઈ. બાકીના 97 રૂપિયા સેસના નાણાં ચેરમેન દિનેશ પટેલ ચાઉં કરી ગયા તેવો આરોપ છે. જ્યારે ચોપડે જમા જ નથી થઈ તેવી સેસનો હિસાબ લગાવવો કેવી રીતે મોટો સવાલ છે. પણ એવું માની શકીએ કે જો ચોપડે 3 કરોડ સેસ બોલતી હોય તો 97 કરોડ રૂપિયા ચાંઉ થયા છે.