જામનગર / ન્યૂડ કોલિંગ કરાવીને ફોટો નકલ રાખી કોલેજીયન યુવતીઓને બ્લેકમેઇલ કરતો 63 વર્ષનો ઢગો ઝડપાયો

• જામનગરમાં સાયબર ક્રાઈમનો સપાટો
• સાયબર ક્રાઈમે ઈન્સ્ટાગ્રામ પર ફેક આઈડી બનાવનારાની કરી ધરપકડ
• સીદસર ગામના રસિકલાલ વડાલીયાની કરી ધરપકડ

જામનગરમાં સાયબર ક્રાઈમે સપાટો બોલાવી ઈન્સ્ટાગ્રામ પર ફેક આઈડી બનાવી યુવતીઑને ફસાવતા આધેડને દબોચી લીધો હતો. પોલીસે જામનગર જિલ્લાના જામજોધપુર તાલુકાના સીદસર ગામના રસિકલાલ વડાલીયા નામના આરોપીને પકડી પડ્યો છે. જેની  પૂછપરછમાં આરોપી ફેક આઇડી બનાવી કૉલેજીયન યુવતીઓને બ્લેકમેઈલ કરતો હતો. આરોપી ઢગો યુવતીઓના નામે આઇડી બનાવી યુવતીઓ સાથે મિત્રતા કરતો હતો. ત્યારબાદ આરોપી અશ્લીલ વીડિયોના સ્ક્રીનશૉટ પાડી બ્લેકમેલ કરતો હતો. આ અંગે ફરિયાદ બાદ સાયબર ક્રાઈમે આરોપીની ધરપકડ કરી વધુ તપાસ હાથ ધરી છે.
 
આરોપીના મોબાઈલમાંથી મળી આવ્યા યુવતીઑના ફોટા
આ અંગે જાણવા મળતી વિગત અનુસાર ઇન્સ્ટાગ્રામ ઉપર ફેક આઇડી બનાવી યુવતીઑ સાથે આરોપી મિત્રતા કેળવતો હતો ત્યારબાદ ન્યુડ કોલીંગ કરાવી ફોટાની નકલ રાખી આરોપી વાયરલ કરવાની ધમકી આપતો હતો અને બદનામ કરવાની ધમકી આપતો હતો. આ અંગેનીસાયબર ક્રાઇમ પોલીસ સ્ટેશનમાં ફરિયાદ નોંધાઈ હતી. જે દરમ્યાન સાયબર ક્રાઇમ પોલીસ દ્વારા સોશ્યલ મિડીયા એપ ઇન્સ્ટાગ્રામ પાસેથી માહીતી મંગાવી ISP રીપોર્ટ તથા IPDR નું ટેકનીકલ એનાલીસીસ કરી બ્લેકમેઇલ કરનારના મોબાઇલ નંબર શોધી કાઢ્યા હતા. જેમાં આરોપીના લોકેશન જામજોધપુરના સિદસર ગામનું બતાવતા હતા. જેંને પગલે પોલીસે તાત્કાલિક રેઈડ પાડી હતી. આ દરમિયાન રસીકલાલ નારણ વડાલીયા નામના ૬૩ વર્ષિય આધેડની અટકાયત કરી લીધી હતી. જે આરોપીની પૂછપરછ અને તપાસમાં તેના મોબાઇલમાંથી અન્ય ૨ થી ૩ કોલેજીયન યુવતીના ફોટા થતાં વિડીયો મળી આવ્યા હતા.

આરોપી યુવતીને ધમકી આપી સંબંધ રાખવા મજબુર કરતો હતો
આરોપી પહેલા ઇન્સ્ટાગ્રામ ઉપર ફેક આઇડી બનાવતો ત્યારબાદ કાલાવાડ તથા જામજોધપુર તાલુકાની છોકરીઓની આઇ.ડી શોધી ફ્રેંડ રીક્વેસ્ટ મોકલી મિત્રતા કરતો હતો અને મિત્રતા બાદ તેમને પ્રેમજાળમા ફસાવી છોકરીઓના અશ્લિલ ફોટા તથા વિડીયો મંગાવી સેવ કરી લેતો તથા સગા - સંબંધીને મોકલી વાઇરલ કરી સમાજમાં બદનામ કરવાની ધાક - ધમકી આપી સતત આવા સંબંધ રાખવા માટે મજબુર કરી ગુન્હાને અંજામ આપતો હતો. આથી અન્ય કોઈ પણ યુવતીઑ બ્લેકમેઇલનોશીકાર બન્યા હોય તો સાયબર ક્રાઇમ પોલીસ મથકનો સંપર્ક કરવા અનુરોધ કરાયો છે.