સામૂહિક દુષ્કર્મ / નર્મદામાં શાળા પાછળ જ ધો.11ની છોકરી પર 6 યુવકોએ કર્યો ગેંગરેપ, સ્થાનિકોમાં ભયંકર રોષ

• 11માં ધોરણમાં ભણતી સગીરા સાથે સામૂહિક દુષ્કર્મ 
• નર્મદાના ડેડિયાપાડાનો બનાવ 
• બનાવને કારણે સ્થાનિકોમાં રોષનો માહોલ 

નર્મદા જિલ્લાના ડેડિયાપાડામાં એક સામૂહિક દુષ્કર્મની ઘટના સામે આવી છે. જેના કારણે સમગ્ર પંથકમાં હડકંપ મચી ઉઠ્યો છે. સાંભળીને આપને નવાઈ લાગશે કે 11માં ધોરણમાં અભ્યાસ કરતી વિદ્યાર્થીની સાથે આ દુષ્કર્મની ઘટના બની છે. કુલ 6 યુવકોએ સગીરા સાથે સામૂહિક દુષ્કર્મ આચર્યું હોવાનું સામે આવ્યું છે. 

હવસખોરો પોલીસના સકંજામાં 

પોલીસને જ્યારે આ મામલે ફરિયાદ મળી ત્યારે પોલીસે પણ ઘટનાની ઘટનાની ગંભીરતાને ધ્યાનમાં રાખીને તપાસ આરંભી અને ગણતરીના સમયમાં હવસખોર યુવકોને ઝડપી પાડ્યા છે. જેમની સામે કાયદેસરની કાર્યવાહી હાથ ધરવામાં આવી છે.

સગીરા માસીના ઘરેથી મળી આવી  

બનાવની જો વિગતવાર વાત કરીએ તો ડેડિયાપાડાની રહેતી સગીરા સામૂહિક દુષ્કર્મનો શિકાર થયા બાદ સગીરા ઘરે ન ગઈ જેથી પરિવારજનોએ તેની શોધખોળ આરંભી તો સગીરા તેની માસીના ઘરે હોવાનું સામે આવ્યું. જ્યા સગીરાએ કબૂલ્યું કે તેના ઉપર સામુહિક દુષ્કર્મ થયું હતું જેથી  તે ઘરે આવી નહોતી. 

પોલીસે ઘટનાની ગંભીરતાને ધ્યાને રાખી તુરંત કાર્યવાહી આરંભી 

આ મામલે માતાપિતાને જાણ થતાજ તેમણે  ડેડીયાપાડા પોલીસ સ્ટેશન ખાતે સગીરાને લઈને આવતા ગઈ કાલ રાત્રિ થી પોલીસ એક્શનમાં આવી હતી ઊંડી તપાસ હાથ ધરી હતી જેમાં સૌપ્રથમ ડેડીયાપાડા પીએસઆઇ પટેલ તથા સ્ટાફે તપાસ હાથ ધરી હતી ત્યારબાદ આજે નર્મદા જિલ્લાના નાયબ પોલીસ અધિક્ષક રાજેશ પરમાર એલ.સી.બી નર્મદા પી.આઈ એ.એમ.પટેલ CPI ચૌધરી સહિતના ઉચ્ચ અધિકારીઓએ બનાવની ગંભીરતા સમજીને ઊંડી તપાસ હાથ ધરી છે.

સગીરાનો મેડિકલ ટેસ્ટ થશે 

જોકે સામુહિક દુષ્કર્મની ઘટનામાં 6  આરોપી સામેલ છે તે સ્પષ્ટ  થતા પોલીસ ફરિયાદ નોંધિ પોસ્કો અને એટ્રોસિટી ની કલમ પણ લગાવી છે. આ ઘટનામાં  છ યુવકોએ સ્કૂલની પાછળ આવેલા pwdનાં ખંડેર મકાન મા સામુહિક દુષ્કર્મ આચર્યુ હતુ તે પણ તપાસમાં બહાર આવ્યું છે તે સિવાય નર્મદા જિલ્લાના SC St સેલના ડીવાયએસપી એસ જી  મોદી દ્વારા તપાસ હાથ ધરવામાં આવી છે. કીશોરીની પણ મેડિકલ સહિતની અને યુવકોનો પણ સરકારી હોસ્પિટલમાં તપાસ આજે કરશે.