મોટા સમાચાર / કચ્છની સરહદે BSFને મળી મોટી સફળતા, 6 પાકિસ્તાની માછીમાર ઝડપાયા, ગાઈકાલે મળી હતી 11 બોટ

• કચ્છની સરહદે બીએસએફના જવાનોને મળી સફળતા 
• 6 પાકિસ્તાની માછીમાર બીએસએફને હાથ ઝડપાયા 
• ગઈકાલે બીએસએફને 11 પાકિસ્તાની બોટ ઝડપી હતી 

કચ્છની સરહદે BSFનું મેગા સર્ચ ઓપરેશન હાથ ધરવામાં આવ્યું છે. જેમા અત્યાર સુધીમાં બીએસફ દ્વારા કુલ 6 પાકિસ્તાની માછીમારોને ઝડપી પાડવામાં આવ્યા છે. અગાઉ આ કેસમાં 3 માછીમારોને ઝડપી પાડવામાં આવ્યા હતા. ત્યારે વધુમાં ફરી અન્ય ત્રણ માછીમારોને બીએસએફ દ્નારા ઝડપી પાડવામાં આવ્યા છે. 

6 માછીમારની ઝડપાયા 

આપને જણાવી દઈએ કે બીએસએફના સર્ચ ઓપરેશનમાં હરામીનાળા વિસ્તારમાંથી 11 બોટ પકડાઈ હતી. આ બોટમાં પાકિસ્તાની માછીમારો આવ્યા હતા. જેમા કુલ 6 માછીમાર ઝડપાયા છે. જેઓ રાતના અંધારાનો ફાયદો ઉઠાવીને ફરાર થઈ ગયા હતા. જોકે આ મામલે બીએફ દ્વારા તપાસ તેજ કરવામાં આવી છે અને કુલ 6 આરોપીઓને અત્યાર સુધીમાં ઝડપી પાડવામાં આવ્યા છે. 

11 બોટ બિનવારસી હાલતમાં મળી હતી 

બીએસએપને કચ્છના હરામીનાળા વિસ્તાર માંથી શંકાસ્પદ ગતિવિધિના ઈનપુટ મળ્યા હતા. જે ઈનપુટ મળ્યા બાદ બીએસએફએ ઓપરેશન હાથ ધર્યું જેમા ગઈકાલે બીએસએફને 11 બોટ બિનવારસી હાલતમાં મળી આવી હતી. જેમા એકપણ વ્યક્તિ ન હતો જેથી બીએસએફને શંકા જતા તેમણે સમગ્ર વિસ્તારમાં ઘેરાબંધી કરી લીધી હતી. 

હજુ અન્ય માછીમારો ઝડપાય તેવી શક્યતા 

ઉલ્લેખનીય છે કે સમગ્ર મામલે બીએસએફના જવાનોને માહિતી મળતાની સાથેજ તપાસ હાથ ધરી જેમા પહેલા 11 પાકિસ્તાની બોટ મળી આવી બાદમાં 3 માછીમારો મળી આવ્યા અને ત્યારબાદ બિજા 3 એમ કુલ 6 માછીમાર મળી આવ્યા છે. સાથેજ અન્ય માછીમારો હજુ માછીમારો ઝડપાય તેવી શક્યતા સેવાઈ રહી છે.