મહામારી / ઓમિક્રોનની ઘાતક ઝડપથી ભારતમાં હાહાકાર, આજે નોંધાયા આટલા કેસ દેશમાં 87 દર્દી સંક્રમિત

• ભારતમાં વધવા લાગ્યા ઓમિક્રોનના કેસ 
• અત્યાર સુધી 87 કેસ નોંધાયા
• હૈદરાબાદમાં 4 નવા કેસ

ભારતમા કોરોનાના અત્યંત ચેપી વેરિયન્ટ ઓમિક્રોનની ઝડપ વધી રહી છે. ગુરુવારે એક દિવસમાં દેશમાં ઓમિક્રોનના 13 થી વધારે કેસ નોંધાયા છે. તેલંગાણા અને કર્ણાટકમાં 4-4 કેસ, તો ગુજરાતમાં 1 અને મહારાષ્ટ્રમાં 4 કેસ નોંધાયા છે. અત્યાર સુધીમાં ભારતમાં ઓમિક્રોનના કુલ 87 કેસ નોંધાયા છે. મહારાષ્ટ્રમાં અત્યાર સુધીમાં સૌથી વધુ 32 કેસ નોંધાયા છે. રાજસ્થાનમાં 17, દિલ્હીમાં 10, કેરળમાં 5, ગુજરાતમાં 5, કર્ણાટકમાં 8, તેલંગાણામાં 6, બંગાળ, તમિલનાડુ, આંધ્રપ્રદેશ અને ચંદીગઢમાં 1-1 કેસ નોંધાયા છે.ભારતમાં ઓમિક્રોનનો પહેલો કેસ 2 ડિસેમ્બરે કર્ણાટક આવ્યો હતો. ત્યારથી તે દેશના 11 રાજ્યોમાં પહોંચી ગયો છે દેશભરમાં અત્યાર સુધીમાં ઓમિક્રોનના 87 કેસ નોંધાયા છે. 

Four more persons test positive for #Omicron in Hyderabad, taking total number of the variant cases to 7 in Telangana, as per the health department

— ANI (@ANI) December 16, 2021

કર્ણાટકમાં મળી આવેલા 5 કેસમાં 3 વિદેશથી પરત ફર્યા
ગુરુવારે કર્ણાટકમાંથી મળેલા ઓમિક્રોન દર્દીઓમાંથી 3 વિદેશથી પરત ફર્યા છે. જ્યારે 2 દિલ્હીથી બેંગલુરુ પહોંચ્યા છે. વિદેશથી પાછા ફરેલા લોકોમાં યુકેથી પરત ફરેલા 19 વર્ષના યુવક, નાઇજીરિયાના 52 વર્ષીય વ્યક્તિ અને દક્ષિણ આફ્રિકાના 33 વર્ષીય વ્યક્તિનો સમાવેશ થાય છે.

મુંબઈમાં નવા વર્ષના દિવસે મોટી ઇવેન્ટ્સ નહીં યોજાય 

મુંબઈમાં ઓમિક્રોનના વધતા જતા કેસોને ધ્યાનમાં રાખીને ક્રિસમસ અને નવા વર્ષના મોટા કાર્યક્રમો પર પ્રતિબંધ મૂકવામાં આવ્યો છે. આ ઉપરાંત રહેણાંક સંકુલોમાં રૂફટોપ ઇવેન્ટ્સ પર પ્રતિબંધ રહેશે. રહેણાંક સોસાયટીઓમાં પણ મોટા કાર્યક્રમો થઈ શકશે નહીં. લોકોના ભેગા થવા પર પ્રતિબંધ મૂકવામાં આવ્યો છે.

Five more cases of #Omicron have been detected in Karnataka today:

🔹19 yr male returning from UK
🔹36 yr male returning from Delhi
🔹70 yr female returning from Delhi
🔹52 yr male returning from Nigeria
🔹33 yr male returning from South Africa @BSBommai #Omicronindia

— Dr Sudhakar K (@mla_sudhakar) December 16, 2021

ગુજરાતમાં પણ ઓમિક્રોનમાં વધુ એક કેસ નોંધાયો, ટોટલ કેસ-5 

ગુજરાતને ઓમિક્રોનનો વધુ એક નવો કેસ મળ્યો છે. આ સાથે રાજ્યમાં ઓમિક્રોન ચેપગ્રસ્ત લોકોની સંખ્યા વધીને 5 થઈ ગઈ છે. ઓમિક્રોન કેસ વડનગરમાં આવ્યો છે, જ્યાં એક મહિલા નવા વેરિએન્ટથી સંક્રમિત મળી આવી છે. આ મહિલા કોઈ ટ્રાવેલ હિસ્ટ્રી ધરાવતી નથી. પરંતુ તાજેતરમાં મહિલાના સંબંધીઓ ઝિમ્બાબ્વેથી એક પરિવારના નિધનમાં ભાગ લેવા આવ્યાં હતા અને મહિલાને ત્યારે ચેપ લાગ્યો હોવાની સંભાવના છે.