બદલાવ / 1 ડિસેમ્બરથી મોંધુ થઇ જશે મોબાઇલ બિલ, બેંક-વીમાના નિયમોમાં થશે આ ફેરફાર

• 1 ડિસેમ્બરથી થઇ રહ્યા છે ફેરફાર 
• મોબાઇલ બિલ, વિમો થશે મોંધા
• લોકોના ખિસ્સા પર પડશે સીધી અસર 

• મોબાઇલ બિલ વધારે આવશે
દેશની મોટી ટેલિકોમ કંપનીઓ રિલાયન્સ જિઓ, વોડાફોન-આઇડિયા, એરટેલ વગેરેના કોલ દર 1 ડિસેમ્બરથી મોંઘા થઇ જશે. કંપનીઓનું કહેવું છે કે નુકસાન અને ઇન્ડસ્ટ્રીને વ્યવહારુ બનાવવા દરમાં વધારો કરવો જરૂરી છે.

• વીમા પોલિસી મોંઘી થશે
વીમા નિયામક ઈરડાના નવા દિશા નિર્દેશોના કારણે તમારી જીવન વીમા પોલિસીનું પ્રીમિયમ 15 ટકા જેટલું વધી જશે. નવા નિયમોની અસર 1 ડિસેમ્બર, 2019 પહેલા વેચવા કે ખરીદવામાં આવેલ પોલિસી પર નહીં પડે.

• રોકડ ઉપાડના નિયમો બદલાયા
આઇડીબીઆઇના એટીએમ સાથે સંકળાયેલા નિયમોમાં આવતી કાલથી ફેરફાર થશે. જો આ બેન્કના ગ્રાહક બીજી બેન્કના એટીએમથી ટ્રાન્ઝેક્શન કરશે અને ઓછા બેલેન્સના કારણે ટ્રાન્ઝેક્શન ફેઇલ થશે તો પ્રતિ ટ્રાન્ઝેક્શન રૂ. 20નો દર લાગુ પડશે.

• નેફ્ટ 24 કલાક ઉપલબ્ધ બનશે
1 ડિસેમ્બરથી બેન્ક ગ્રાહકો 24 કલાક નેફ્ટ કરી શકશે. જાન્યુઆરીથી તેના પર કોઇ ચાર્જ લાગુ પડશે નહીં.

• એથનોલની કિંમત વધશે
સપ્ટેમ્બરમાં કેન્દ્ર દ્વારા વધારવામાં આવેલ રૂ. 1.84ના ચાર્જને કારણે એથનોલની કિંમત વધી જશે. સી કેટેગરીના એથનોલની કિંમત 19 પૈસા વધીને પ્રતિલિટર રૂ. 43.75 અને બી કેટેગરીની કિંમત રૂ. 1.84 વધીને પ્રતિલિટર રૂ. 54.27 થઇ જશે.