ગાંધીનગરઃ લોકસભા ચૂંટણી અગાઉ પોલીસબેડામાં બદલી કરવામાં આવી છે. ગુજરાત રાજ્ય પોલીસ વિભાગમાં છેલ્લા કેટલાક સમયથી ધરખમ ફેરફારો કરવામાં આવી રહ્યા છે. રાજ્ય પોલીસબેડમાં DySP અને IPS કક્ષાના 58 અધિકારીઓની બદલી કરવામાં આવી છે. જેમાં 40 DySP અને 19 IPS અધિકારીઓની બદલી કરવામાં આવી છે. 5 PIને DySP તરીકે પ્રમોશન આપવામાં આવ્યું છે.
અધિકારીઓની વાત કરવામાં આવે તો હિમાંશુ શુક્લાને CID ક્રાઇમના DIG તરીકે બઢતી આપવામાં આવી છે. IPS ખુર્શીદ અહેમદને અમદાવાદ પોલીસ હેડ ક્વાર્ટરના ACP બનાવવામાં આવ્યા છે. આર. જે. સવાણીને વડોદરા ટ્રેનિંગ સ્કૂલમાં મુકાયા છે. IPS અશોક કુમારને ભાવનગર રેન્જના DIG બનાવવામાં આવ્યા છે. IPS મનિન્દર પ્રતાપ સિંહને ગાંધીનગર CID ક્રાઇમના DIG બનાવવામાં આવ્યા છે રાજકોટ પૂર્વના મદદનીશ પોલીસ કમિશનર તરીકે એચ.એલ રાઠોડની બદલી કરવામાં આવી છે.
તો જે. જી. ચાવડાને છોટાઉદેપુર મુખ્યમથકના DySP પદે બઢતી મળી છે. R.D ઓઝાને અમરેલીના SC/ST સેલના DySP પદે બઢતી મળી છે. તો સી. સી. ખટાણાને ખંભાળિયાના DySP પદે બઢતી આપવામાં આવી છે. જ્યારે જે. એસ. નાયકને ભરૂચ મુખ્યમથકના DySP પદે બઢતી મળી છે.