IPLIN
 
  • Home
  • India
  • 40 bodies will arrive for postmortem from Guwahati, we had send them for sacrifice at Kamakhya

મહારાષ્ટ્ર / મજાકમાં ભાન ભૂલ્યા શિવસેના નેતા રાઉત, બોલ્યાં-40 MLAsની લાશો આવશે, પોસ્ટમોર્ટમ માટે વિધાનસભા મોકલીશું

Team VTV 06:25 PM, 26 Jun 22 | Updated: 06:35 PM, 26 Jun 22
Follow us
40 bodies will arrive for postmortem from Guwahati, we had send them for sacrifice at Kamakhya

શિવસેનાના દિગ્ગજ નેતા સંજય રાઉત મજાકને મજાકમાં ભાન ભૂલી ગયા અને તેમણે એક વિવાદાસ્પદ નિવેદન આપી દીધું હતું.

  • કહ્યું- ગુવાહાટીથી 40 ધારાસભ્યોની લાશો આવશે
  • પોસ્ટમોર્ટમ માટે વિધાનસભા મોકલીશું
  • લોકોએ કહ્યું, સીધી રાખનું વિસર્જન કરીશું 

શિવસેનાના નેતા સંજય રાઉત હાલમાં ગુવાહાટીમાં રોકાયેલા એકનાથ શિંદેની આગેવાની હેઠળના અસંતુષ્ટ પક્ષના ધારાસભ્યોને ધમકીઓ આપવાનું ચાલુ રાખ્યું છે. સંજય રાઉતે બળવાખોર ધારાસભ્યો પર વિવાદાસ્પદ નિવેદન કરતા એવું કહ્યું કે 40 બળવાખોર ધારાસભ્યોની ડેડબોડી ગુવાહાટીથી આવશે અને અમે તેને સીધી પોસ્ટમોર્ટમ માટે મોકલી આપીશું. 

ગુવહાટીથી આવશે 40 ધારાસભ્યોની ડેડબોડી 
 મુંબઈના સાહિસરમાં કાર્યકરોના 'શિવસેના મેલાવા' (પાર્ટી મેળાવડા)માં બોલતા, રાઉતે કહ્યું હતું કે, "ગુવાહાટીથી 40 મૃતદેહો આવશે અને તેમને સીધા પોસ્ટ મોર્ટમ માટે મોકલવામાં આવશે. 

"ના સર, અમે સીધા અસ્થિ વિસર્જન કરીશું' 
 રાઉતની આ ટિપ્પણી બાદ થોડા સમય માટે મૌન રહ્યા બાદ પ્રેક્ષકોમાંથી પાર્ટીના એક કાર્યકર્તાએ કહ્યું, "ના સર, અમે સીધી રીતે તેમની રાખનું વિસર્જન કરીશું." "હા, અમે તેમને ચેટ પૂજામાં મોકલીશું" રાઉતે જવાબ આપ્યો જ્યારે પ્રેક્ષકો ખડખડાટ હસી પડ્યા.

ગુવાહાટીમાં અમે 40 આખલા મોકલ્યાં છે ત્રણ ભેંસો પણ છે-સંજય રાઉત 
સંજય રાઉતે કહ્યું કે ગુવાહાટીમાં અમે ચાલીસ આખલાઓ મોકલ્યા છે, જેમની બલિ ચડાવવામાં આવશે. આસામમાં કામાખ્યા દેવી મંદિર - જડુ તોના મંદિર છે, જ્યાં આખલાઓની બલિ ચડાવવામાં આવે છે. રાઉતે ગુવાહાટીમાં શિવસેનાના બળવાખોર નેતાઓ પર નિશાન સાધતા કહ્યું કે, અમે અહીંથી ચાલીસ આખલાઓ મોકલ્યા છે જેમની બલિ ચઢાવવામાં આવશે. તેમણે કામખ્યા દેવી મંદિરને 'જાદુ તોના' મંદિર તરીકે પણ ઓળખાવ્યું હતું. રાઉતે પૂછ્યું કે ધારાસભ્યો ગુવાહાટીમાં બેઠા છે અને તેમની વિરુદ્ધ કાવતરું ઘડી રહ્યા છે તેની હિંમત કેવી રીતે કરી રહ્યા છે. સંજય રાઉતની દ્વેષપૂર્ણ ટિપ્પણી બાદ ઉત્સાહિત શિવસેનાના કાર્યકરો ખડખડાટ હસી રહ્યા હતા અને તેમનો ઉત્સાહ વધારી રહ્યા હતા. શિંદે કેમ્પમાં શિવસેનાના ત્રણ મહિલા ધારાસભ્યો પર કરવામાં આવેલી ખોટી ટિપ્પણીમાં પાર્ટીના એક કાર્યકર્તાએ ઊભા થઈને ટિપ્પણી કરી હતી કે, "સર, 40 આખલાઓના ટોળામાં, ત્રણ ભેંસો પણ છે.

Maharastra political crisis sanjay raut Uddhav Thackeray મહારાષ્ટ્ર રાજકીય કટોકટી સંજય રાઉત ઉદ્ધવ ઠાકરે
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ