અમદાવાદની SVP હોસ્પિટલની ફરી એકવાર પોલ ખુલી ગઈ છે. હોસ્પિટલના 4 ઓપરેશન થિયએટર બંધ કરવાનો વારો આવ્યો છે. એ પણ વરસાદી પાણીના કારણે. 7 મહિના પહેલા જ ઉદ્ઘાટન કરાયેલી હોસ્પિટલમાં વરસાદી પાણી પડી રહ્યા છે. સામાન્ય વરસાદમાં પણ હોસ્પિટલમાં પાણી ટપકી રહ્યા છે. જેના કારણે ઓપરેશન થિયેટર બંધ કરવાની ફરજ પડી છે. 7 મહિનામાં જ હોસ્પિટલની હાલત બદતર થઈ છે. હોસ્પિટલમાં 32માંથી 16 ઓપરેશન થિયેટર કાર્યરત હતા તેમાંથી પણ 4 ઓપરેશન થિયેટર બંધ કરી દેવાયા છે. અહીં સવાલ તો બિલ્ડિંગ ઉભી કરનાર અને બેદરકાર અધિકારીઓ વિરુદ્ધ ઉભો થયો છે. બેદરકારો વિરુદ્ધ કાર્યવાહી શા માટે નથી થતી. દર્દીઓના જીવ શા માટે જોખમમાં મુકવામાં આવે છે. શું લોકોના કરોડો રૂપિયા આવી રીતે જ પાણીમાં જશે.