દેશમાં ઓમિક્રૉન વેરિયન્ટનાં કેસ વધીને 49 થયા છે જેમા દિલ્હી અને રાજસ્થાનમાં 4-4 નવા કેસ સામે આવ્યા છે.
દિલ્હીમાં ઓમિક્રૉનનાં વધ્યા કેસ
4 નવા કેસ આવતા કુલ કેસ 6 થયા
દેશમાં કુલ કેસ વધીને 49 થયા
દુનિયાભરમાં કોરોના વાયરસનાં નવા વેરિયન્ટ ઓમિક્રૉનને લઈને ખૂબ ચિંતા ફેલાઈ રહી છે, બ્રિટનમાં ઓમિક્રૉનથી પહેલું મોત પણ થઈ ચૂક્યું છે ત્યારે ભારતમા પણ કેસ દિવસેને દિવસે વધી રહ્યા છે.
દિલ્હીમાં ઓમિક્રૉનનો બોમ્બ ફૂટ્યો
દિલ્હીના સ્વાસ્થ્ય મંત્રીએ મંગળવારે જણાવ્યું કે દિલ્હીમાં ઓમિક્રૉનનાં કેસ વધીને 6 પર પહોંચી ગયા છે જ્યારે એક દર્દી સાજો થઈ ગયો છે. વિદેશથી આવેલા લોકો જ આ વેરિયન્ટથી સંક્રમિત મળ્યા છે અને હાલમાં પરિસ્થિતિ કાબૂમાં છે. આ સિવાય 35 કોરોના દર્દી અને 3 શંકાસ્પદ દર્દીઓ પણ દાખલ કરવામાં આવ્યા છે.
કેસ 20 ટકા વધ્યા
નોંધનીય છે કે એક જ દિવસમાં ઓમિક્રૉનનાં કેસમાં 20 ટકાનો ઉછાળો જોવા મળ્યો છે. સોમવારે ઓમિક્રૉનનાં ભારતમા કુલ 40 કેસ હતા જે મંગળવાર સુધી વધીને 49 થઈ ગયા છે. રાજસ્થાન અને દિલ્હી બંને રાજ્યોમાં 4 4 કેસ સામે આઆવ્યા છે.
કોરોના સામેના જંગમાં ભારતની જીત નક્કી!
છેલ્લા એક દિવસમાં કોરોનાના માત્ર 5 હજાર 784 નવા કેસ સામે આવ્યા છે, જે પાછલા દિવસ કરતા 21 ટકા ઓછા છે. તે જ સમયે, આ સમયગાળા દરમિયાન કોરોનાના 7 હજાર 995 દર્દીઓ સાજા થયા છે.સ્વાસ્થ્ય મંત્રાલયના તાજેતરના ડેટા અનુસાર, છેલ્લા 571 દિવસમાં, દેશમાં કોરોનાના આટલા ઓછા કેસ નોંધાયા છે. તે જ સમયે, હવે કોરોનામાંથી સાજા થવાનો દર વધીને 98.37 ટકા થઈ ગયો છે. માર્ચ 2020 ની સરખામણીમાં તે સતત સૌથી વધુ રહ્યું છે. સક્રિય કેસોમાં પણ મોટો ઘટાડો થયો છે. હાલમાં દેશમાં કોરોનાના માત્ર 88 હજાર 993 એક્ટિવ કેસ છે. આ કુલ કેસના માત્ર 0.26 ટકા છે. છેલ્લા 24 કલાકમાં કોરોનાના 252 દર્દીઓએ પણ પોતાનો જીવ ગુમાવ્યો છે.
કેમ ખતરનાક છે ઓમિક્રોન?
ઓમિક્રોન વાયરસે વિશ્વમાં કહેર મચાવ્યો છે. અત્યાર સુધી દુનિયાભરના કુલ 35 દેશમાં ઓમિક્રોન ફેલાઇ ચૂક્યો છે. બીજી લહેર લાવનાર ડેલ્ટાથી ઓમિક્રોન 5 ગણો વધુ ઝડપી ફેલાય છે. તેનો અંદાજો આ આંકડા પરથી લગાવી શકાય છે કે ડેલ્ટા વેરિએન્ટ જેટલો 100 દિવસમાં ફેલાયો હતો ઓમિક્રોન તેટલો માત્ર 15 દિવસમાં જ ફેલાયો છે. ભયની વાત એ છે કે આ વાયરસ સંક્રમણ છતા રિપોર્ટમાં પકડાતો નથી. ઓમિક્રોન વાયરસ ઝડપી મ્યૂટેશન કરનારો વેરિઅન્ટ છે.
ઓમિક્રોન વેરિએન્ટના લક્ષણો
થાક લાગવો (Fatigue)
જો કોઈ વ્યક્તિ કોરોનાના ઓમીક્રોન વેરિએન્ટથી સંક્રમિત થાય છે તો તેને સતત થાક મહેસુસ થાય છે. સાઉથ આફ્રીકાન મેડિકલ એસોસિએશનના ચેયરપર્સન એન્જિક કોએત્જીએ (Angelique Coetzee) થાક સહિત નીચે જણાવેલા લક્ષણોને Omicronના સંક્રમિત દર્દીઓમાં જોયા છે.
શરીરમાં દુઃખાવો (Body aches & Pains)
કોરોનાના આ ખૂબ જ સંક્રામક વેરિએન્ટથી સંક્રમિત વ્યક્તિને બોડી પેઈન અને અન્ય ઘણા પ્રકારના દુખાવાનો અનુભવ થઈ શકે છે.
માથામાં ખુબ જ દુખાવો (Severe Headache)
Omicron વેરિએન્ટના સંક્રમિત વ્યક્તિ માથાના દુખાવાની ફરીયાદ કરી શકે છે. આ માથામાં દુખાવો ઘણી વખત ખૂબ જ વધારે હોઈ શકે છે.
Omicron સંક્રમિતોમાં નથી જોવા મળતા કોરોના જેવા આ લક્ષણો
સ્વાદ અને ગંધ ન આવવી (Loss of Smell/Taste)
કોરોનાના Delta વેરિએન્ટના લક્ષણોમાં સ્વાદ અને ગંધ ન આવવા એક મુખ્ય લક્ષણ હતું. પરંતુ Omicron વેરિએન્ટથી સંક્રમિત વ્યક્તિઓમાં અત્યાર સુધી આવા લક્ષણો નથી જોવા મળ્યા.
નાક બંધ રહેવું (Severely Blocked Nose)
કોરોનાના નવા વેરિએન્ટમાં સંક્રમિત બંધ નાકની ફરિયાદ પણ કરી રહ્યા હતા. પરંતુ Omicron વેરિએન્ટથી સંક્રમિત દર્દીઓમાં આ લક્ષણ પણ અત્યાર સુધી જોવા નથી મળ્યા.
ખૂબ વધારે તાવ (Severe Temperature)
તાવ આવવો અથવા વધારે તાપમાનના કારણે Delta વેરિએન્ટથી સંક્રમિત ગભરાઈ જતા હતા. પરંતુ દક્ષિણ આફ્રીકામાં ઓમિક્રોનના નવા વેરિએન્ટથી સંક્રમિતોમાં અત્યાર સુધી ખૂબ જ તાવ આવવા જોવે લક્ષણો પણ નથી જોવા મળ્યા.