ચિંતા / ભારતમાં વધુ એક મંકીપૉક્સનો કેસઃ દિલ્હીમાં 35 વર્ષના નાઇજીરિયન યુવકનો રિપોર્ટ પોઝિટિવ

• દિલ્હીમાં મંકીપૉક્સનો વધુ એક દર્દી
• 34 વર્ષના નાઇજીરિયન યુવકનો રિપોર્ટ પોઝિટિવ
• મંકીપૉક્સથી ભારતમાં એક દર્દીનું મોત

દિલ્હીમાં મંકીપૉક્સ વાયરસનો આ બીજો કેસ નોંધાયો છે. આ યુવકે હાલમાં કોઈ વિદેશ યાત્રા પણ નથી કરી. આ પહેલા દેશમાં મંકીપૉક્સના કુલ 5 કેસ નોંધાઇ ચૂક્યા છે. તેમાંથી એક દર્દીનું મોત થયું છે.

મંકીપૉક્સ વાયરસ હવે રાજસ્થાનમાં પણ દસ્તક દેતો દેખાઇ રહ્યો છે. અહીં મંકીપૉક્સનો પહેલો શંકાસ્પદ દર્દી સામે આવ્યો છે. 20 વર્ષના આ દર્દીને કિશનગઢથી જયપુર સ્થિત રાજસ્થાન યુનિવર્સિટી ઑફ  હેલ્થ સાયન્સ લાવવામાં આવ્યું છે. જોકે દર્દીને આઇસોલેશનમાં રાખવામાં આવ્યો છે. તેના સેમ્પલને આગળ તપાસ માટે પુણે મોકલવામાં આવ્યો છે.

મંકીપૉક્સથી એક દર્દીનું મોત

દેશમાં મંકીપોક્સને કારણે પ્રથમ મોત નોંધાયુ. ત્રિશુરના એક 22 વર્ષીય વ્યક્તિનું મોત થયું છે. મૃતકમાં મંકીપોક્સના લક્ષણો મળી આવ્યા. યુવક સંયુક્ત અરબ અમીરાતની યાત્રા કરી ભારત આવ્યો હતો. યુવક ભારત આવ્યો એ પહેલા મંકીપોક્સ થયો હતો. યુવક 27 જુલાઇના રોજ હોસ્પિટલમાં દાખલ થયો હતો. યુવક સાથે સીધા સંપર્કમાં આવેલા લોકોને ક્વોરોન્ટાઇન કરાયા. 20 લોકોનો ક્વોરોન્ટાઇન કરવામાં આવ્યા.