IPLIN
 

ગજબ / ઐતિહાસિક ઘટના! નદીના તળિયેથી મળી આવ્યું 3400 વર્ષ જુનું નગર, પુરાતત્વ વિદોએ જાણો શું કર્યો ખુલાસો

Team VTV 06:14 PM, 01 Jun 22
Follow us
3400 year old lost ancient city emerged from bottom of the river photos

પુરાતત્વવિદોના એક આંતરરાષ્ટ્રીય ગ્રુપે ઈરાકના કુર્દિસ્તાન ક્ષેત્રમાં એક 3400 વર્ષ જૂના શહેરની જાણકારી મેળવી છે. હજારો વર્ષો જૂનુ આ શહેર ટિગરિસ નદીની નીચે મળ્યું છે. પુરાતત્વવિદોએ હાલમાં આ અંગે જાણકારી આપી છે.

  • ઈરાકના કુર્દિસ્તાન ક્ષેત્રમાં 3400 વર્ષ જૂના શહેરના અવશેષો મળ્યાં
  • ઈરાકમાં ટિગરિસ નદીની નીચેથી મળ્યું જૂનુ શહેર
  • મોસુલ ડેમમાં પાણી ઓછુ હોવાના કારણે શક્ય થયુ

ઈરાકમાં 3400 વર્ષ જૂના શહેરના ઘણા અવશેષો મળ્યાં 

પુરાતત્વવિદોના ગ્રુપે જણાવ્યું કે ઈરાકમાં ટિગરિસ નદીની નીચેથી તેમને 3400 વર્ષ જૂના શહેરના ઘણા અવશેષો મળ્યાં છે, જેને મિત્તાની સામ્રાજ્યએ 1475 ઈ.સ. પૂર્વે 1275 ઈ.સ. પૂર્વની વચ્ચે વસાવવામાં આવ્યું હતુ. આ શહેરનુ સંશોધન ટિગરિસ નદીના કિનારે મોસુલ ડેમમાં પાણી ઓછુ હોવાના કારણે શક્ય થયુ છે. મળેલા અવશેષોમાં માટ્ટી-ઈંટની દિવાલ, ઘણા ટાવર, બહુમાળી ઈમારતોની સાથે અન્ય મોટી રચનાઓ સામેલ છે. જે મિત્તાની સામ્રાજ્યના આ પ્રાચીન શહેરને લઇને ઉત્સુકતા ઉભી કરે છે. આ સાથે સામ્રાજ્યની અંદર એક વ્યાપાર કેન્દ્ર, Zakhikuના હોવાની શક્યતાને ભાર આપે છે. 

માટી-ઈંટની દિવાલ ચમત્કારિક રીતે સારી રીતે સુરક્ષિત

પુરાતત્વવિજ્ઞાની Dr. Ivana Puljiz એ જણાવ્યું કે મોટી માટીની દિવાલની સાથે ઈમારતોને સાવધાનીપૂર્વક ડિઝાઈન કરવામાં આવી હતી. અહીંથી માટીની 10 ક્યુનિફોર્મ ટેબલેટ પણ મળી છે. ક્યુનિફોર્મ લખવાની એક પ્રાચીન શૈલી છે. જો કે, તેને અનુવાદ માટે મોકલવામાં આવી છે. રસપ્રદ વાત એ છે કે જળમગ્ન થયા બાદ શહેરની માટી-ઈંટની દિવાલ ચમત્કારિક રીતે સારી રીતે સુરક્ષિત હતી. 1980ના દાયકાની શરૂઆતમાં જ્યારે અહીં મોસુલ ડેમ બનાવવામાં આવ્યો હતો ત્યારે આ શહેરને દફનાવવામાં આવ્યું હતું. પરંતુ દુષ્કાળના કારણે આ ફરીથી સપાટી પર આવી ગયુ છે.

Lost Ancient City Bottom of the River River Tigris River
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ