કર્ણાટકની એક નર્સિંગ કોલેજમાં 34 વિદ્યાર્થીઓ કોરોના વાયરસની ઝપેટમાં આવતા તંત્ર અને સ્થાનિકોમાં ખળભળાટ મચ્યો છે.
કર્ણાટકની કોલેજનો કોરોનાનો ભરડો
34 વિદ્યાર્થીઓ આવ્યા ઝપેટમાં
હોસ્ટેલ બંધ કરવામાં આવ્યું
દક્ષિણ ભારતમાં કોરોના વાયરસ કોહરામ મચાવી રહ્યો છે. ભારતમાં અત્યારે સૌથી વધારે કેરળમાંથી જ સામે આવી રહ્યા છે. દક્ષિણ ભારતમાં વધતાં કોરોના વાયરસનાં કેસનાં કારણે ભારતમાં ત્રીજી લહેરને લઈને ટેન્શન સતત વધી રહ્યું છે ત્યારે કર્ણાટકથી એક ભયંકર સમાચાર સામે આવી રહ્યા છે.
34 students of Christian College of Nursing in Horamavu have tested positive for COVID since Aug 28. Most of them are asymptomatic. Primary and secondary contacts of these students are also being tested. Most students from Kerala,& some from West Bengal: Karnataka Health Minister pic.twitter.com/gmXgmVr2De
વિદ્યાર્થીઓ કોરોના વાયરસની ઝપેટમાં આવતા ખળભળાટ
કર્ણાટકની એક નર્સિંગ કોલેજમાં એક સાથે 34 વિદ્યાથીઓ કોરોના વાયરસની ઝપેટમાં આવી ગયા છે. 28 ઓગસ્ટ બાદથી અત્યાર સુધીમાં ક્રિશ્ચિયન કોલેજ ઓફ નર્સિંગમાંથી 34 વિદ્યાર્થીઓને કોરોના વાયરસ થયો છે. રાજ્યનાં સ્વાસ્થ્ય મંત્રીએ જે જાણકારી આપી છે તે અનુસાર મોટા ભાગનાં વિદ્યાર્થીઓને કોરોના વાયરસનાં લક્ષણો જણાઈ રહ્યા નથી. વિદ્યાર્થીઓના સંપર્કમાં આવેલ લોકોનાં ટેસ્ટ કરવામાં આવી રહ્યા છે. મોટા ભાગનાં વિદ્યાર્થીઓ કેરળ અને પશ્ચિમ બંગાળથી છે.
દક્ષિણનાં રાજ્યો વધારી રહ્યા છે ટેન્શન
ભારતમાં ઓગસ્ટ મહિનામાં કોરોના વાયરસની પરિસ્થિતિ પ્રમાણમાં સ્થિર રહી છે અને કોરોના વાયરસ સામે રસીકરણ અભિયાનમાં તેજી પણ લાવવામાં આવી છે. ગુજરાત જેવા રાજ્યોમાં કોરોના વાયરસનાં કેસ સતત ઓછા થયા છે પરંતુ દક્ષિણ ભારતમાં કોરોના વાયરસની રફતાર રોકાઈ જ નથી રહી.
કેરળમાં કોરોના રોકાવાનું નામ નથી લેતો
કેરળમાં કોરોના વાયરસનાં કેસ રોકાઈ રહ્યા નથી, ભારતમાં કોરોના વાયરસનાં કેસમાં ઉછાળો આવવા માટે કેરળ જવાબદાર છે. છેલ્લા કેટલાય દિવસથી એકલા કેરળમાં જ ત્રીસ હજારથી વધારે કોરોના વાયરસનાં કેસ સામે આવી રહ્યા છે. કેરળમાં વધતાં કોરોના વાયરસનાં કેસનાં કારણે ભારતમાં ત્રીજી લહેરને લઈને ચિંતા વધી ગઈ છે. કેરળમાં કોરોના વાયરસનાં વધતાં કેસનાં કારણે નાઈટ કર્ફ્યૂ અને વિકેન્ડ લૉકડાઉન જેવા કડક પ્રતિબંધો લગાવી દેવામાં આવ્યા છે.