નિયમ / કાયદો કડક બનતા HSRP પ્લેટ માટે RTOમાં અમદાવાદીઓના ધામા

RTO કચેરીમાં લાગ્યા વાહનોના થપ્પા

જો કે, અંતિમ તારીખ પહેલા HSRP નંબર પ્લેટ નંખાવવા માટેની પણ RTO માં લાઇન લાગી છે. કારણ માત્ર એટલું જ છે કે, 1 સપ્ટેમ્બરથી અમલી બનેલા નવા કાયદામાં કરવામાં આવેલી દંડની જોગવાઇને કારણે પણ HSRP નંબર પ્લેટ લગાવવા માટે RTO કચેરીમાં વાહનોના થપ્પા લાગ્યા છે. 

ડ્રાઇવ બાદ હવે દરરોજ આવી રહી છે 400 અરજી

અમદાવાદ RTO ના અધિકારી એસ.પી. મુનિયાના જણાવ્યા અનુસાર દરરોજ 100 થી વધારે અરજીઓ HSRP નંબર પ્લેટ લગાવવા માટેની આવતી હતી પરંતુ 1 સપ્ટેમ્બર બાદ લાગુ પડેલા નિયમ બાદ પોલીસે યોજેલ ડ્રાઇવ બાદ હવે દરરોજ 400 અરજી આવી રહી છે. 

40 લાખ વાહનોમાં લગાવાઇ છે HSRP નંબર પ્લેટ

આપને જણાવી દઇએ કે, એક અંદાજ મુજબ રાજ્યનાં અઢી કરોડ વાહનોમાંથી અત્યાર સુધીમાં માત્ર ૪૦ લાખ જેટલાં જૂનાં વાહનોમાં એચએસઆરપી લાગી છે. આમ છતાં સંખ્યાબંધ જૂનાં ટુવ્હીલર અને ફોર વ્હીલરમાં હાઈ સિક્યોરિટી રજિસ્ટ્રેશન નંબર પ્લેટ લગાવી શકાઈ નથી. 

અમદાવાદમાં જ 8 લાખ વાહનો એવા છે જેમાં HSRP નંબર પ્લેટ નથી

અમદાવાદ શહેરમાં જ આઠ લાખ જેટલાં જૂનાં વાહનોમાં એચએસઆરપી લગાવવાની બાકી હોવાનું જાણવા મળે છે. અત્રે ઉલ્લેખનીય છે કે આરટીઓ પાસે ઘણાં જૂનાં વાહનોના ડેટા પણ ઉપલબ્ધ નથી. ઘણાં વાહનો બહારગામ પણ શિફ્ટ થઇ ગયાં છે એટલે  ચોક્કસ આંકડો મેળવવો આરટીઓ માટે પણ મુશ્કેલ છે.

નીચે આપેલી વેબસાઇટ પર જઇને  HSRP નંબર પ્લેટ માટે કરી શકાશે રજિસ્ટ્રેશન 

http://www.hsrpgujarat.com

શું છે  HSRP નંબર પ્લેટની વિશેષતાઓ

મોટર વ્હીકલ એક્ટ લાગૂ થયા બાદ હવે આટલો થશે દંડ

• હેલ્મેટ પહેર્યા વગર વાહન ચલાવવા

જો તમે હેલ્મેટ પહેર્યા વગર વાહન ચલાવો છો તો સાવધાન થઇ જજો. હેલ્મેટ વગર વાહન ચલાવવા પર એક હજાર રૂપિયાનો દંડ તથા 3 મહિના  સુધી લાયસન્સ સસ્પેન્સ થઇ જશે. 

• વીમા પોલિસી વગર વાહન ચલાવવા પર

જો તમે વીમા પોલિસી વગર વાહન ચલાવો છો તો તમને બે હજાર રૂપિયા સુધીનો દંડ ફટકારવામાં આવશે. 

• લાયસન્સ વગર વાહન ચલાવવું

તમે વ્હીકલ ચલાવો છો અને તમારી પાસે લાયસન્સ નથી તો તમને પાંચ હજાર રૂપિયા સુધીનો દંડ ફટકારવામાં આવી શકે છે. 

• અધિકારીઓના આદેશનું પાલન ના કરવા પર

અધિકારીઓના આદેશનું પાલન તમે નથી કરતાં તો પહેલા 500 રૂપિયાનો દંડ ફટકારવામાં આવતો હતો પરંતુ હવે તે વધારીને 2 હજાર કરી દેવામાં આવ્યો છે. 

• સીલ્ટ બેલ્ટ અને ઓવર સ્પીડ પર પણ વધ્યો દંડ

સીટ બેલ્ટ પહેર્યા વગર ચલાવવા પર 100 રૂપિયાની જગ્યાએ 1000 આપવો પડશે. આ ઉપરાંત નક્કી સીમાથી વધારે સ્પીડથી ચલાવવા પર 400ની જગ્યાએ 1000 થી 2000 રૂપિયા સુધીનો દંડ આપવો પડશે. 

• કેબ કંપનીઓ નિયમોનું ઉલ્લંઘન કરશે તો 

ઓલા, ઉબર જેવા ગ્રુપ ડ્રાઇવિંગ લાયસન્સના નિયમોનું ઉલ્લંઘન કરવા પર એક લાખ રૂપિયાનો દંડ થશે. 

આ ઉપરાંત અનઑથોરાઇજ્ડ વાહનનો ઉપયોગ કરવા પર પાંચ હજાર રૂપિયા સુધીનો દંડ ફટકારાશે.