હવે કોરોના વાયરસના અન્ય નવા લક્ષણો સામે આવ્યા છે જેનાથી તમારી સ્કીન પર અસર થઈ રહી છે. સ્કીન પર રેશિઝ અને લાલ ચકતા કે ફોલ્લા જોવા મળી શકે છે. જો આવું દેખાય તો સાવધાન થવાની જરૂર છે.
કોરોના વાયરસના નવા લક્ષણો આવ્યા સામે
આ 3 રીતે દેખાઈ શકે છે ત્વચા પર કોરોનાની અસર
રેશિઝ, લાલ ચકતા કે ફોલ્લા જોવા મળી શકે છે
અત્યાર સુધી કોરોના વાયરસના જે લક્ષણો જોવા મળ્યા હતા તેમાં ખાસ કરીને તાવ, સૂકી ખાંસી અને શરદીની સાથે સાથે માંસપેશીઓમાં દર્દની સમસ્યાઓ સામે આવી હતી. આ સાથે સ્વાદ ન આવવો, સ્મેલ ન આવવી અને જીભ પર ચાઠા પડી જવા જેવી બાબતોને કોરોનાના લક્ષણો ગણવામાં આવી રહ્યા હતા. આ સામાન્ય લક્ષણો ગણાતા.
આજે વાત થઈ રહી છે સ્કીન પર થતા રેશિઝ જેવા લક્ષણોની. હવે કોરોનાના લક્ષણો તમે સ્કીન પર પણ જોઈ શકો છો.
ત્વચા પર સોજા આવવા
મોટાભાગે એક સામાન્ય ગાણા કે એલર્જી સમજીને તમે સ્કીનની સમસ્યાને નજરઅંદાજ કરો છો. પણ અસામાન્ય લાગતા ચકતા, લાલાશ અને સાથે નાના ફોલ્લા પણ ગંભીર કોરોનાના સંકેત હોઈ શકે છે તેવું એક રિપોર્ટમાં કહેવાયું છે. ત્વચાના લક્ષણોવાળા લગભગ 6માંથી 1 રોગીને તરત જ હોસ્પિટલની દેખરેખની આવશ્યકતા જોવા મળી રહી છે. આ સાથે અન્ય લોકોને આ લક્ષણોથી સારવાર બાદ સાજા થવામાં એક મહિનાનો સમય લાગી શકે છે. તેને સામાન્ય ન લેતા તરત ટ્રીટમેન્ટ લેવી જરૂરી છે.
શરીર પર ચકતા થવા અને સાથે નાના ફોલ્લા પણ સંક્રમણના પ્રમુખ લક્ષણો છે. જે વયસ્કની તુલનામાં બાળકોમાં અલગ હોય છે, તેને ઈગ્નોર ન કરતા તરત જ સારવાર કરવી જરૂરી છે.
રેશિઝ
કોરોનાથી પીડિત લોકોને અનેક વાર વાયરસ નસ અને ધમનીઓમાં ફેલાય છે અને શરીરમાં સોજા આવે છે. જે ત્વચા પર દેખાય છે. આ સોજાના કારણે શરીર પર રેશિઝ પણ થાય છે, અનેક વાર લાલ, કંજવાળ અને તેના કારણે દેખાતા ધબ્બા પણ કોરોનાના લક્ષણો છે. બાળકો અને શિશુના પગ, હાથ કે પીઠ પર ધબ્બા કે દાણા દેખાય છે તો તમારે સતર્ક રહેવાની જરૂર છે. લાલાશની સાથે ઉબડ ખાબડ સ્કીન પણ શરીરમાં ઓક્સીજનના પ્રવાહના કારણે ગરબડ કરી શકે છે. આ સમયે તમને ઠંડી સાથે તાવ આવી શકે છે.
કોવિડ ટોઝ
કોવિડ ટોઝમાં બાળકો અને વયસ્કોમાં એક સામાન્ય સંકેત ગણવામાં આવી રહ્યો છે. શરીરમાં ફેલાતા વાયરસના કારણે શરીરમાં સોજાના રૂપમાં પગની આંગળીમાં સોજા, ઘા અને મલિનિકરણ જોવા મળે છે. શિયાળામાં આ સમસ્યાને ઈગ્નોર ન કરતા તરત જ તેની દવા કરાવો તે જરૂરી છે.
સૂકાયેલા હોઠ
કોરોનાના દર્દીના હોઠ જલ્દી સૂકાઈ જાય છે. સંક્રમણના સમયે હોઠ પર ચામડી કડક બને છે અને ફાટવા લાગે છે. મોઢામાં પણ ખરાશ ફેલાય છે. સ્કીન સૂકી બને છે અને ફોલ્લાનું કારણ બને છે. હોઠ ત્યારે જ સૂકાય છે જ્યારે શરીરમાં પાણી રહેતું નથી. આ સમયે તમારા હોઠ ભૂરા થવા લાગે છે. માટે ઓક્સીજન લેવલ અને પાણીના લેવલનું ધ્યાન રાખો તે જરૂરી છે.