સપાટો / રાજ્યમાંથી 3 નક્સલીઓ ઝડપાતા ચકચાર, ગુજરાત ATSને મળી મોટી સફળતા

• ગુજરાતમાં 3 નક્સલીઓ ઝડપાયા
• અમદાવાદ ATSએ 3 શંકાસ્પદોને ઝડપ્યા
• તાપીના વ્યારામાં ATSએ 2 શંકાસ્પદોને ઝડપ્યા 

પ્રાપ્ત થતી જાણકારી પ્રમાણે, તાપીમાંથી 2, દાહોદમાંથી એક શખ્સ ઝડપ્યો છે. આ શખ્સો સામુ ઓરેયા, બિરસા ઓરેયા અને બબિતા કછપની ધરપકડ કરવામાં આવી છે. કટાસવણ ગામેથી બંને શંકાસ્પદ શખ્સોની ધરપકડ કરવામાં આવી છે. ઉલ્લેખનીય છે કે, ઝારખંડથી આવેલા બંને શખ્સો છૂપાયા હોવાનું અનુમાન કરવામાં આવ્યું છે. 

ઝડપાયેલા નક્સલીઓને અમદાવાદ લવાયા 

ઉલ્લેખનીય છે કે, ગુજરાત ATSએ ગુપ્ત ઓપરેશન હાથધરીને કાર્યવાહી કરી હતી. ઝડપાયેલા આ ત્રણેય નક્સલીઓ તેઓ ગુજરાતમાં નક્સલી પ્રવૃત્તિઓ ચલાવવા ષડયંત્ર કરતાં હતાં. આ ઘટનાને પગલે ATSના DIG સહિતના અધિકારીઓએ કાર્યવાહી હાથ ધરી છે. આ ઝડપાયેલા શખ્સોને અમદાવાદ ATS લાવવામાં આવ્યાં છે.

નક્સલીઓ પથ્થરગડી ચળવળ સાથે સંકળાયેલા હોવાનું ખુલ્યું

પ્રાપ્ત થયેલી વધુ જાણકારી પ્રમાણે ઝડપાયેલા આ નક્સલીઓ પથ્થરગડી ચળવળ સાથે સંકળાયેલા છે. આ રીતે તેઓ સતીપતી સંપ્રદાયના અનુયાયીઓની ઉશ્કેરણીનો પ્રયાસ કર્યો છે. ગુજરાતના સતીપતી સંપ્રદાયને હિંસક બનાવવાનું તેમણે ષડયંત્ર કર્યું છે. તેમજ આ શખ્સો પાસેથી માઓવાદી પત્રિકાઓ અને મુદ્રિત સામગ્રી કબ્જે કરવામાં આવી છે. આ શખ્સો પાસેથી મળેલા ફોન અને લેપટોપ કબ્જે કરાયા છે.