ગૌરવ / 15મી ઓગસ્ટે ગુજરાતના 3 IPS અધિકારીઓને રાષ્ટ્રપતિ મેડલથી કરાશે સન્માનિત, જાણો કોણ-કોણ

• ગુજરાતના 3 IPS અધિકારી રાષ્ટ્રપતિ અવોર્ડથી થશે સન્માનિત
• રાજકોટના પોલીસ કમિશ્નર રાજુ ભાર્ગવને અપાશે રાષ્ટ્રપતિ મેડલ
• રાજકોટ ટ્રાફિકના ACP વી.આર.મલ્હોત્રાને મળશે રાષ્ટ્રપતિ ચંદ્રક

હાલ સમગ્ર દેશ અને રાજ્ય (Gujarat) માં આઝાદીને 75 વર્ષ પૂર્ણ થવા પર 'આઝાદી કા અમૃત મહોત્સવ'ની ઉજવણી ચાલી રહી છે. ત્યારે સ્વતંત્રતા દિવસ (Independence day) ના અવસર પર પોલીસ વિભાગમાં ઉત્કૃષ્ઠ તેમજ સરાહનીય સેવા આપનાર ઉચ્ચ પોલીસ અધિકારીઓ (IPS ઓફિસર) ને રાષ્ટ્રપતિ મેડલ આપવામાં આવશે.

ભાવનગરના રેન્જ IG અશોક કુમાર યાદવને પણ અપાશે રાષ્ટ્રપતિ ચંદ્રક

15મી ઓગસ્ટની પૂર્વ સંધ્યાએ ગુજરાતના 3 IPS અધિકારીઓને રાષ્ટ્રપતિ ચંદ્રક અપાશે. રાષ્ટ્રપતિ દ્વારા પ્રશંસનીય અને અતિ પ્રશંસનીય કામગીરીની શૃખલામાં ગુજરાતમાંથી અતિ પ્રશંસનીય સેવા બદલ આઈપીએસ અધિકારી રાજકોટના પોલીસ કમિશનર રાજુ ભાર્ગવની પસંદગી કરવામાં આવી છે.

ગુજરાતના 3 IPS અધિકારીઓને રાષ્ટ્રપતિ મેડલથી કરાશે સમ્માનિત: રાજકોટના પોલીસ કમિશ્નર રાજુ ભાર્ગવ, ભાવનગર રેન્જ આઈજી અશોક કુમાર યાદવ અને રાજકોટ શહેર ટ્રાફિક પોલીસના ACP વી.આર મલ્હોત્રાને અપાશે રાષ્ટ્રપતિ ચંદ્રક#Gujarat #rajkot

— VTV Gujarati News and Beyond (@VtvGujarati) August 14, 2022

એ સિવાય ગુજરાતમાં IPS લેવલે જે અન્ય કાર્યદક્ષ અધિકારીઓ પસંદગી પામ્યા છે. તેમાં એક ભાવનગરના રેન્જ IG અશોક કુમાર યાદવ અને રાજકોટ શહેર ટ્રાફિક પોલીસના ACP વી.આર મલ્હોત્રાની પસંદગી કરાઇ છે કે જેઓને રાષ્ટ્રપતિ ચંદ્રક અપાશે.

તાજેતરમાં ગુજરાતના 6 પોલીસ તેમજ 2 CBIના અધિકારીઓને પણ મેડલથી કરાયા હતા સન્માનિત

ઉલ્લેખનીય છે કે, તાજેતરમાં જ ગુજરાતના 6 પોલીસ તેમજ 2 CBIના અધિકારીને મેડલ ફોર એક્સેલન્સ ઈન ઈન્વેસ્ટિગેશનનું સન્માન આપવામાં આવ્યું હતું. જેમાં પોલીસ અધિકારીની વાત કરીએ તો અભય ચુડાસમા, ગીરીશ સિંઘલ, ઉષા રાડા, સાગર બાગમાર, રાજેન્દ્રસિંહ સરવૈયા અને ભૂપેન્દ્ર દવેને આ મેડલથી સન્માનિત કરવામાં આવ્યા હતા. જ્યારે CBIના એસ એસ ભદૌરીયા અને હિમાંશુ શાહને પણ મેડલથી નવાઝવામાં આવ્યા હતા.

કોને અપાય છે મેડલ ફોર એક્સેલન્સ ઈન ઈન્વેસ્ટિગેશન મેડલ?

આ મેડલ એવા પોલીસ કર્મચારીઓને આપવામાં આવે છે કે જેમણે કોઈપણ ગુનાની તપાસમાં ઉચ્ચ માપદંડો સાથે તેમના કાર્યમાં પ્રામાણિકતા, નિષ્ઠા અને અસાધારણ હિંમતબતાવી છે. આ મેડલનો હેતુ પોલીસકર્મીઓને પ્રોત્સાહન આપવાનો છે.