કેન્દ્ર સરકારે વન નેશન વન રાશન કાર્ડ (One Nation-One Ration Card) યોજના લાગૂ કરી છે. તેનાથી કોઈ પણ વ્યક્તિ પોતાના રાશન કાર્ડથી કોઈ પણ જગ્યાએથી રાશન મેળવી શકે છે. આ માટે તમારું રાશન કાર્ડ આધાર સાથે લિંક હોય તે જરૂરી છે. રાશન કાર્ડને આધાર સાથે લિંક (Aadhaar Card-Ration Card Linking) કરવાની છેલ્લી તારીખ 30 સપ્ટેમ્બર છે. એટલે કે તમારી પાસે ફક્ત 3 દિવસ છે. તો જાણી લો ઓનલાઈન અને ઓફલાઈન પ્રોસેસથી કઈ રીતે થશે આ કામ.
3 દિવસ બાદ બદલાઈ જશે નિયમ
રાશન કાર્ડને આધાર સાથે લિંક કરવાની છેલ્લી તારીખ 30 સપ્ટેમ્બર
જાણી લો ઓનલાઈન અને ઓફલાઈન પ્રોસેસ
કેન્દ્રએ દરેક રાજ્યો અને કેન્દ્ર શાસિત પ્રદેશોને આપ્યા છે આદેશ
જો તમે નક્કી સમયમાં રાશન કાર્ડને આધાર સાથે લિંક નથી કરાવી શકતા તો તમને હવે 30 સપ્ટેમ્બર સુધી જ પીડીએસથી અનાજ મળશે. તો તમે ઝડપથી તમમારું રાશન કાર્ડ આધાર સાથે લિંક કરાવો તે જરૂરી છે. જો કે કેન્દ્રીય ઉપભોક્તા, ખાદ્ય અને સાર્વજનિક વિતરણ મંત્રાલયે દરેક રાજ્યોને સ્પષ્ટ સૂચના આપી છે કે કોઈ પણ વાસ્તવિક લાભાર્થીને આધાર નંબર ન હોવાના કારણે તેનો અનાજનો કોટા આપવાની મનાઈ કરી શકાશે નહીં. આ સાથે તેમનું નામ પણ રાશન કાર્ડમાંથી હટાવી શકાશે નહીં.
આ રીતે ઓનલાઈન પ્રોસેસથી લિંક કરી લો આધાર અને રાશન કાર્ડ
આધાર લિંકિંગની વેબસાઈટ પર જઈને સ્ટાર્ટ નાઉ પર ક્લિક કરો. આ પછી પોતાના એડ્રેસ સાથેની માહિતી ભરો.
બેનિફિટ ટાઈપમાં રાશન કાર્ડનો વિકલ્પ પસંદ કરો. અહીં રાશન કાર્ડમાં આપવામાં આવેલી સ્કીમ પસંદ કરો.
ઓટીપી વેરિફિકેશન બાદ તમારું રાશન કાર્ડ આધાર સાથે લિંક થઈ જશે.
આ રીતે ઓફલાઈન પ્રોસેસથી લિંક થશે આધાર અને રાશન કાર્ડ
તમે તમારા નજીકના પીડીએસ સેન્ટર પર જાઓ. પરિવારના દરેક સભ્યોના આધારકાર્ડનો ફોટો, ઘરના મુખ્ય સભ્યનો પાસપોર્ટ સાઈઝ ફોટો અને રાશન કાર્ડ સાથે રાખો.
જો તમારું બેંક એકાઉન્ટ આધાર સાથે લિંક નથી તો પાસબુકની ફોટો કોપી પણ સાથે રાખો.
આ તમામ ડોક્યૂમેન્ટના આધારની ફોટો કોપી સાથે પીડીએસ સેન્ટર પર જમા કરો. તમારા ડોક્યુમેન્ટ સ્વીકાર થયા બાદ રજિસ્ટર્ડ મોબાઈલ નંબર પર તમને એક મેસેજ મળશે.
આધાર કાર્ડ અને રાશન કાર્ડ લિંક થયા પછી પણ તમને મોબાઈલ નંબર પર માહિતી અપાશે.