નિયમ / ફાસ્ટેગ મુદ્દે વાહનચાલકો માટે રાહતના સમાચાર, સરકારે લીધો મોટો નિર્ણય

• ફાસ્ટેગ મુદ્દે વાહનચાલકો માટે રાહતના સમાચાર 
• ફાસ્ટેગ ન લગાવનાર વાહનનો માટે  મુકાઈ ઢીલ
• ટોલબુથ પર 15 જાન્યુઆરી સુધી કેશ પેમેન્ટની સુવિધા

આ હાઇબ્રિડ લેનમાં, 15 જાન્યુઆરી સુધી ફાસ્ટેગની સાથે રોકડ પેમેન્ટ દ્વારા પણ નક્કી કરેલ ટોલ ચૂકવી શકાશે. અગાઉ ટોલ પ્લાઝા પર માત્ર એક જ કેશ લેન રાખવાનો અને તેના પર પસાર થવા પર ડબલ ટેક્સ લેવાની વાત કરવામાં આવી હતી. તેમ છતાં જો અનટેગડ વાહન ફાસ્ટાગ લેનમાં આવે છે તો ડબલ ચાર્જ થશે.

માર્ગ પરિવહન અને હાઇવે મંત્રાલય બહાર પડાયું જાહેરનામું

શનિવારે, માર્ગ પરિવહન અને હાઇવે મંત્રાલય દ્વારા ફાસ્ટેગના અમલીકરણ અંગે એક જાહેરનામું બહાર પાડવામાં આવ્યું છે. હાઇવે પર ટોલ પેમેન્ટ માટે સરકારે ફાસ્ટેગ ફરજિયાતપણે લાગુ કરવાની તારીખ 15 ડિસેમ્બર કરી હતી. 

મંત્રાલયે અગાઉ 1 ડિસેમ્બર માટે તારીખ નક્કી કરી હતી. તમારું વાહન ખાનગી હોય કે પ્રાઇવેટ, ફાસ્ટેગ દરેક માટે આવશ્યક છે. તેથી, જો તમારા વાહનમાં ફાસ્ટેગ નથી, તો તેને જલ્દીથી લઈ લેવું અને મુશ્કેલીઓથી છુટકારો મેળવો.

ઈલેક્ટોનિક ટોલ કલેકશન ( ETC ) ફાસ્ટેગ શું છે?

ફાસ્ટેગ એ એવી વ્યવસ્થા છે જેમાં રેડિયો ફ્રિકવન્સી આઈડેન્ટીફિકેશન ટેક્નોલોજી ( RFID )નો ઉપયોગ કરવામાં આવ્યો છે. જેમાં ટોલ પેમેન્ટ સીધા તેની સાથે સંકળાયેલા પ્રિ-પેઈડ એકાઉન્ટમાંથી થાય છે.  ફાસ્ટેગને તમારા વીન્ડસ્ક્રીન ઉપર ચોંટાડવામાં આવે છે. તેના કારણે તમારા ફાસ્ટેગ સ્ટીકરની ફ્રીકવન્સી ટોલપ્લાઝમાં લાગેલ સેન્સર સાથે મેચ થઈ જાય છે અને વાહન ચાલક ત્યાંથી સડસડાટ પસાર થઈ શકશે. 

ફાસ્ટેગ ખરીદવા જોઈતા દસ્તાવેજ

ફાસ્ટેગ માટેની અરજીની સાથે 
1. વાહનનું રજીસ્ટ્રેશન સર્ટિફિકેટ ( RC )
2. વાહનના માલિકનો પાસપોર્ટ સાઈઝનો ફોટો
3. વાહનના માલિકની કેટેગરી મુજબ કેવાયસી ( KYC ) ડોક્યુમેન્ટ
જેમાં એક ફોટો આઈડી અને સરનામાના પુરાવો અને એક પાસપોર્ટ સાઈઝનો ફોટો ગ્રાફ ફરજિયાત છે. 
ડ્રાઈવીંગ લાયસન્સ અથવા પાનકાર્ડ, પાસપોર્ટ, મતદાર આઈડી કાર્ડ, આધાર કાર્ડ.