યાદી / ગૌરવ : અમેરિકા-બ્રિટન સહિત વિશ્વના આટલા દેશોમાં ભારતીયોના હાથમાં છે 'પાવર', જુઓ લિસ્ટ

• વિશ્વના દેશોમાં ભારતનો ડંકો
• 15 દેશમાં ભારતીય મૂળના લોકોનું નેતૃત્વ
• 200થી વધુ ભારતીય કરે છે નેતૃત્વ
• 60 ભારતીયોએ કેબિનેટમાં મેળવ્યું છે સ્થાન

વિશ્વમાં ભારતનો ડંકો

સમગ્ર દુનિયામાં બધા જ દેશોમાં સારી એવી સંખ્યામાં ભારતીયો નિવાસ કરે છે અને એવામાં અમેરિકાથી લઈને બ્રિટન સુધી ભારતીયોએ પોતાની આગવી ઓળખ બનાવી છે. ત્યારે એક યાદી બહાર આવી છે જેને જોઈને દરેક ભારતીયને ગર્વ થશે. 

વિશ્વના 15 દેશમાં ભારતીયો મૂળના લોકોનો ડંકો

આ યાદીમાં બતાવવામાં આવ્યું છે કે દુનિયાભરના 15 દેશોમાં ભારતીયો મૂળના 200થી વધારે લોકો લોકસેવામાં ઉચ્ચ પદો પર છે. આટલું જ નહીં 60 ભારતીયોએ તો મંત્રીમંડળમાં પણ જગ્યા બનાવી લીધી છે. આ જાણકારી '2021 ઇન્ડિયાસ્પોરા ગવર્નમેન્ટ લીડર્સ'માં આપવામાં આવી છે. 

અમેરિકા-બ્રિટેન સહિત 15 દેશમાં કરે છે નેતૃત્વ

સરકારી વેબસાઇટ અને જાહેર જીવનમાં ઉપલબ્ધ સંસાધનોની મદદથી આ યાદી તૈયાર કરવામાં આવી છે જેમાં 200 ભારતીય વિશ્વમાં એક લીડર તરીકે કામ કરી રહ્યા છે અને 60ના હાથમાં સત્તામાં છે. ઈન્ડિયાસ્પોરાના સંસ્થાપક, ઉદ્યોગપતિ એમઆર રંગાસ્વામી છે. આ અવસર પર તેમણે કહ્યું કે આ ગૌરવપૂર્ણ ક્ષણ છે કે દુનિયાના સૌથી જૂના લોકતંત્ર દેશ અમેરિકાની પહેલા મહિલા અશ્વેત ઉપરાષ્ટ્રપતિ ભારતીય મૂળના છે. 

રંગાસ્વામીએ કહ્યું કે આ દરેક ભારતીય માટે ગર્વનો વિષય છે કે દુનિયાભરમાં ભારતીયો પોતાનો જલવો વિખેરી રહ્યા છે. 

60 ભારતીય મૂળના લોકોએ કેબિનેટમાં મેળવ્યું છે સ્થાન

નોંધનીય છે કે આ લીસ્ટમાં યુકેના મંત્રી પ્રીતિ પટેલ, ઋષિ સુનક અને અમેરિકાના ઉપરાષ્ટ્રપતિ કમલા હેરિસનું નામ સામેલ છે. આ સિવાય આ યાદીમાં આલોક શર્માને પણ સામેલ કરવામાં આવ્યા છે જે યુકેના કેબિનેટ મંત્રી અને યુનાઈટેડ નેશન્સ ક્લાઇમેટ ચેન્જ કોન્ફરન્સ-કોપ26ના અધ્યક્ષ પણ છે. ઉપરાંત મોરીશસના વડાપ્રધાન પ્રવિન્દ જગન્નાથને પણ સામેલ કરવામાં આવ્યા છે જેમનું મૂળ વતન યુપી છે. આ જ રીતે સૂરીનામના રાષ્ટ્રપતિ ચંદ્રિકા પ્રસાદ સંતોખીને સૂચિમાં સામેલ કરવામાં આવ્યા છે જેમણે સંસ્કૃત ભાષામાં શપથ લીધી હતી. કેનેડાના રક્ષામંત્રી હરજીત સિંહ સજ્જન અને ભારતીય મૂળના અર્થશાસ્ત્રી લોર્ડ મેઘનાદ પણ આ લિસ્ટનો હિસ્સો છે. 

15થી વધુ દેશમાં લોક સેવાના ઉચ્ચ સોપાન પર પહોંચ્યા છે ભારતીયો

 આ લિસ્ટમાં નામ સામે આવ્યા બાદ અમેરિકાના સાંસદ અમી બેરાએ કહ્યું કે આ લિસ્ટમાં મારુ નામ આવવું એ ગર્વની વાત છે. સંસદમાં સૌથી લાંબી સેવા આપી રહેલા સાંસદના નાતે મને ભારતીય-અમેરિકન સમાજના નેતા બનીને ગર્વ છે. આ સમુદાય હવે અમેરિકાના જીવન અને સમાજનું અભિન્ન અંગ બની ગયું છે.