પતિ બદલી નાખ્યાં / માથું ભમી જાય તેવો કિસ્સો ! બે પરણેલી સ્ત્રીઓ એકબીજાના પતિના પ્રેમમાં પડી, ચોંકાવનારુ તો પછી થયું

• બિહારના ખગડીયાનો ચર્ચિત કિસ્સો
• બે પરણેલી સ્ત્રીઓ એકબીજાના પતિના પ્રેમમાં પડી 
• પોતપોતાના પતિને પડતો રાખીને સામેવાળાના પતિને પરણી 
• એકબીજાના બાળકો પણ એક્સચેન્જ કર્યાં 

બિહારના ખગડીયામાં એક હેરતઅંગેજ લવસ્ટોરી સામે આવી છે જેને લઈને લોકોમાં ભારે ચર્ચા છે. હકીકતમાં બે પરણેલી મહિલાઓ એકબીજાના પતિને પ્રેમમાં પડીને પરણી ગઈ હતી. એટલું જ નહીં પરંતુ એક કપલે તો બાળક પણ એક્સચેન્જ કર્યું હતું. 

પતિને પડતો મૂકીને પરણેલા પુરુષ સાથે ભાગીને કર્યાં લગ્ન 
ખગડીયામાં રહેતા નીરજ કુમાર સિંહ અને રૂબી દેવીએ 2009માં લગ્ન કર્યા હતા અને લગ્નજીવનમાં તેમને ચાર બાળકો થયા હતા જેમાં બે છોકરાઓ અને બે છોકરીઓ સામેલ છે. બધુ બરાબર ચાલી રહ્યું હતું ત્યારે અણધાર્યો વળાંક આવ્યો. રૂબીને તેના માતા-પિતાના ઘર પાસે રહેતા મુકેશકુમાર સિંહ નામના અન્ય એક શખ્સ સાથે પ્રેમ થઇ ગયો હતો અને તે નીરજને પડતો મૂકીને મુકેશ સાથે લગ્ન કરવા માગતી હતી અને એક દિવસ લાગ જોઈને પોતાના ત્રણ બાળકો સાથે મુકેશ સાથે ભાગી ગઈ, ત્યાર બાદ રુબી અને મુકેશે લગ્ન કરી લીધા. રુબી ચારમાંથી એક બાળક નીરજ પાસે મૂકતી ગઈ હતી. 

પતિએ પત્નીના પતિની પત્ની સાથે કર્યાં લગ્ન 
જોગાનુજોગ મુકેશની પત્નીનું નામ પણ રૂબી દેવી જ હતું. નીરજને રૂબી (મુકેશની પત્ની) વિશે ખબર પડી. નીરજે જેમ તેમ કરીને મુકેશની પત્ની જેનું નામ પણ રુબી હતું, તેની સાથે ફોન પર વાતો કરવા લાગ્યો અને આ દરમિયાન તેઓ બન્ને એકબીજાને ચાહવા લાગ્યાં અને પ્રેમમાં પડ્યાં, આ વર્ષે 18 ફેબ્રુઆરીએ તેઓએ કોર્ટમાં લગ્ન કર્યા હતા.

નીરજે પોતાના એકની સાથે મુકેશના બાળકો પણ સ્વીકાર્યાં
પત્ની જેની સાથે ભાગી ગઈ હતી તે મુકેશની પત્ની રુબી સાથે નીરજે લગ્ન કરી લીધા હતા. એટલું જ નહીં પરંતુ નીરજે પોતાની એક છોકરીની સાથે મુકેશના બાળકો પણ સ્વીકાર્યાં હતા. હાલ આ બે કપલ મધ્યપ્રદેશના જુદા જુદા શહેરોમાં રહે છે પરંતુ તેમણે જે કર્યું તેને લઈને લોકો વિચારતા રહી ગયાં છે.