- વડોદરામાં એક દિવસમાં ચકચાર મચાવતી 2 ઘટના
- વડોદરામાં મુસ્લિમ યુવકે યુવતી પર આચર્યુ દુષ્કર્મ
- વાઘોડિયાની હાઇસ્કૂલના ક્લાર્ક સામે વિદ્યાર્થિની છેડતી ફરિયાદ
રાજ્યમાં છેલ્લા ઘણા સમયથી દુષ્કર્મના કેસો વધી રહ્યા છે તે પછી નાની બાળકી હોય કે પછી પરિણીતા, હવે દિકરીઓ સલામત હોવાની વાતો પોકળ સાબિત થઇ છે. ત્યારે ફરી એકવાર વડોદરામાં એક દિવસમાં ચકચાર મચાવતી 2 ઘટના સામે આવી છે. જેમાં મુસ્લિમ યુવકે યુવતીને અલકાપુરીની હોટલમાં લઈ જઈને દુષ્કર્મ આચર્યું હોવાની ઘટના સામે આવી છે આરોપીએ સોશિયલ મીડિયા મારફતે 6 માસ પહેલા યુવતી સાથે મિત્રતા કેળવીને આરોપી ફૈઝલ ઘાંચીએ યુવતીનું અપહરણ કરી દુષ્કર્મ આચર્યુ હતું.
વડોદરામાં એક દિવસમાં ચકચાર મચાવતી 2 ઘટના
પોલીસે આરોપી ફૈઝલ અને ફિરોઝની ધરપકડ કરી છે તો બીજી બાજુ ગુજરાતના શિક્ષણજગતને શર્મસાર કરતો કિસ્સો સામે આવ્યો છે. જેમા વાઘોડિયાની હાઇસ્કૂલના ક્લાર્ક સામે વિદ્યાર્થિની સાથે ભર બજારમાં હાથ પકડીને વિદ્યાર્થિનીની છેડતી કર્યાની ઘટના સામે આવી છે. ક્લાર્કે વિદ્યાર્થિનીને પૈસા આપીને ફરવા જવાની ઓફર કરી હતી જેને લઇ વિદ્યાર્થિનીના પરિવારે જરોદ પોલીસ સ્ટેશનમાં ફરિયાદ નોંધાવી છે આ સાથે ગણપત ભાલિયા નામના ક્લાર્કની પોલીસે તપાસ હાથ ધરી છે.
વડોદરામાં મુસ્લિમ યુવકે યુવતી પર આચર્યુ દુષ્કર્મ
વડોદરામાં મુસ્લિમ યુવકે યુવતી પર દુષ્કર્મ આચર્યુ હોવાની ધટના સામે આવી છે. યુવતીને અલકાપુરીની હોટલમાં લઈ જઈ મુસ્લિમ યુવકે દુષ્કર્મ આચર્યું હોવાનું સામે આવ્યું છે. આરોપી ફૈઝલ ઘાંચીએ યુવતીનું અપહરણ કરી દુષ્કર્મ આચર્યુ છે. ફૈઝલ ઘાંચીએ તેના મિત્ર ફિરોઝ વ્હોરાની મદદથી અપહરણ કર્યું હતુ, સોશિયલ મીડિયા મારફતે 6 માસ પહેલા યુવતી સાથે મિત્રતા કેળવી હતી. પોલીસે આરોપી ફૈઝલ અને ફિરોઝની ધરપકડ કરી છે. આરોપી ફૈઝલ સામે અગાઉ પણ 7 કેસ નોંધાઈ ચુક્યા છે.
શિક્ષણજગતને શર્મસાર કરતો વધુ એક કિસ્સો આવ્યો
વડોદરાના વાઘોડિયાની હાઇસ્કૂલના ક્લાર્ક સામે વિદ્યાર્થિની છેડતી ફરિયાદ નોંધાવી છે. ક્લાર્કે વિદ્યાર્થિનીને પૈસાની આપી ફરવા જવાની ઓફર કરી હતી, વિદ્યાર્થિનીના પરિવારે જરોદ પોલીસ સ્ટેશનમાં ફરિયાદ નોંધાવી છે. ગણપત ભાલિયા નામના ક્લાર્કની પોલીસે તપાસ શરૂ કરી છે. છેડતી અને પોક્સોની કલમ હેઠળ ગુનો નોંધાયો છે. ભર બજારમાં હાથ પકડી વિદ્યાર્થિનીની છેડતી કરી હોવાનુ કિસ્સો સામે આવ્યો છે
