રાજનીતિ / AAPમાં ભાજપે મોટો ખેલ પાડ્યો: પ્રદેશ અધ્યક્ષે જ ઝાડૂ છોડી કેસરિયા કર્યા, રાજકારણમાં હડકંપ

• હિમાચલમાં AAPને મોટો ફટકો
• બે દિગ્ગજો જોડાયા ભાજપમાં
• 'કાર્યકરોની ઉપેક્ષા-અપમાન થતા પાર્ટી છોડી '

 પંજાબ વિધાનસભાની ચૂંટણીમાં આમ આદમી પાર્ટીની જીત થતા આવનારી અન્ય રાજ્યની વિધાનસભાની ચૂંટણીમાં જીત મેળવાવ આપ જોરશોરથી તૈયારીમાં લાગી ગઇ છે પરંતુ હિમાચલની વિધાનસભા ચૂંટણી પહેલા આમ આદમી પાર્ટીને મોટો ફટકો પડ્યો છે. કારણ કે રાજ્યના આપના પ્રમુખ અનુપ કેસરી અને અન્ય બે નેતાઓ શુક્રવારે ભાજપમાં જોડાઇ ગયા છે.

જે.પી નડ્ડાનાની આગેવાનીમાં ભાજપમાં જોડાયા

રાષ્ટ્રીય રાજધાની દિલ્હીમાં જેપી નડ્ડાના નિવાસસ્થાને કેસરી સહિત સંગઠન મહાસચિવ સતીશ ઠાકુર અને ઉના જિલ્લા પ્રમુખ ઈકબાલ સિંહને ભાજપનું સભ્યપદ આપવામાં આવ્યું હતું. આ પ્રસંગે તેમણે AAPના રાષ્ટ્રીય કન્વીનર અરવિંદ કેજરીવાલ પર નિશાન સાધ્યું હતું. તેમણે કેજરીવાલ પર મંડી મતવિસ્તારમાં રોડ શો દરમિયાન પાર્ટીના નેતાઓનું અપમાન કરવાનો આરોપ લગાવ્યો હતો.

અપમાન-સ્વાભિમાન માટે છોડી AAP

કેસરીએ કહ્યું કે અમે કેજરીવાલથી નારાજ છીએ. અમે દિવસ રાત કામ કરતા રહ્યા પરંતુ તેમણે અમારી સામે જોયુ પણ નહી.  માત્ર અરવિંદ કેજરીવાલ અને પંજાબના સીએમ ભગવંત માન મંડીમાં રોડના શૉના મુખ્ય આકર્ષણ હતા.  રોડ શૉ દરમિયાન રાજ્યના પાર્ટીના કાર્યકર્તાઓની અવગણના કરી. આથી અમારી અવગણના, અપમાન અને સ્વાભિમાન માટે અમે પાર્ટી છોડી દીધી.

हिमाचल में #आप के पाप का घड़ा भर गया।@AamAadmiParty की हिमाचल विरोधी नीतियों के विरुद्ध आप पार्टी के हिमाचल प्रदेश अध्यक्ष अनूप केसरी जी,संगठन महामंत्री सतीश ठाकुर जी व ऊना के अध्यक्ष श्री इक़बाल सिंह जी माननीय राष्ट्रीय अध्यक्ष @JPNadda जी की उपस्थिति में सम्मिलित हुए। pic.twitter.com/fYufjfitNL

— BJP Himachal Pradesh (@BJP4Himachal) April 9, 2022

ભાજપને સત્તામાં લાવીશું- કેસરી
ભાજપમાં જોડાયા બાદ, તેમણે કેન્દ્રીય મંત્રી અનુરાગ ઠાકુર અને પાર્ટીના રાષ્ટ્રીય અધ્યક્ષ જેપી નડ્ડાને આગામી વિધાનસભા ચૂંટણીમાં પાર્ટીને ફરીથી સત્તામાં લાવવા માટે સખત મહેનત કરવાની ખાતરી આપી હતી.

અપમાન થયાનો અનુભવ થયો

સતીશ ઠાકુર અને ઈકબાલ સિંહે પણ AAP છોડવાનું કારણ જણાવતા કહ્યું કે  આપ માટે સમર્પિત કાર્યકર્તાઓ હિમાચલના મંડીમાં રોડ શો દરમિયાન અપમાન અનુભવી રહ્યા હતા.  રોડ શો 6 એપ્રિલે યોજવામાં આવ્યો હતો જેમાં કાર્યકરોની ઉપેક્ષા કરવામાં આવી હતી. તેથી અમે પીએમ મોદીના નેતૃત્વમાં હિમાચલ પ્રદેશમાં લોકોની સેવા કરવા ભાજપમાં જોડાવાનું નક્કી કર્યુ.