જાહેરનામું / આ જિલ્લામાં હવે નવરાત્રીની ઉજવણીમાં ભાગ લેવા વેક્સિનના 2 ડોઝ ફરજિયાત

• નવરાત્રીમાં રાજકોટ પોલીસ કમિશનરનું જાહેરનામું
• ઉજવણીમાં ભાગ લેવા વેક્સિનના બે ડોઝ ફરજિયાત
• લાઉડ સ્પીકર માટે લેવી પડશે પૂર્વ મંજૂરી 

 નવલા નોરતાના પાવન પર્વ શરુ થતા જ નવી માર્ગદર્શિકા આવી ગઈ છે.રાજ્યના મોટાભાગના શહેરોમાં ગરબાની કોઈ પણ પ્રકારની ઉજવણી કે આરતીમાં ભાગ લેવા વેક્સીનના બે ડોઝ ફરજિયાત કરી દેવાયા છે તો રાજ્ય સરકારે કરફ્યુમાં પણ છૂટછાટ આપી છે.રાજ્કોટમાં પોલીસ કમિશનરે  નવરાત્રીની કોઈ પણ પ્રકારની ઉજવણીમાં બે ડોઝ ફરજીયાતનો આદેશ આપ્યો છે જે દશેરા સુધી અમલી રહેશે.

આરતી હોય કે ગરબા,બે ડોઝ ફરજિયાત 

ગુજરાતમાં લગભગ બે વર્ષે નવલા નોરતાના આયોજન માટે રાજ્ય સરકારે શેરી ગરબાને કેટલીક શરતોને આધીન મંજૂરી આપી છે. મર્યાદિત સંખ્યામાં એકત્રિત થઇ ગળી કે શેરીમાં ગરબાની ઉજવણી કરી શકો છો તેમાં પણ સોશિયલ ડીસ્ટન્સ,માસ્કની અનિવાર્યતા રહેશે. પરંતુ રાજ્યના મોટા શહેરોમાં પોલીસ કમિશનરે જ જાહેરનામું બહાર પાડી કેટલાક નિયમોનું પાલન કરવા સૂચવ્યું છે. જેમ અમદાવાદના જાહેર સ્થળો, હોટેલ- રેસ્ટોરન્ટ,BRTS/AMTSની બસ અને કાંકરિયા જેવા સ્થળો પર વેકસીનના બે ડોઝ ફરજિયાત લીધા હોવાના સર્ટીફીકેટ દર્શાવવા પડે છે તે જ રીતે રાજકોટમાં નવરાત્રીની કોઈ પણ ઉજવણીમાં વેકસીનના બે ડોઝ ફરજિયાત હોવા જરૂરી છે.

ચુસ્ત પોલીસ બંદોબસ્ત 

આરતીથી માંડીને ગરબા સુધી જે નાગરીકોએ બે ડોઝ ફરજિયાત લીધા હશે તેઓ જ ભાગ લઇ શકશે.ઉપરાંત શેરી ગરબામાં પણ લાઉડ સ્પીકર માટે પૂર્વ મંજૂરી લેવી જરૂરી છે.રાજકોટમાં દશેરા સુધી ચુસ્ત પોલીસ બંદોબસ્ત રહેશે.જેમાં 8 ACP,400 હોમ ગાર્ડના જવાનો, 600 TRBના જવાનો બંદોબસ્તમાં રહેશે,120 GRDના જવાનો સુરક્ષામાં તૈનાત રહેશે.ઉપરાંત નાગ્ર્કોને એવી પણ અપીલ કરાઈ છે કે, ગરબા આયોજનના સ્થળે વેક્સીન અંગે જાગૃતિ પ્રસરે તેવા આયોજન કરવા પર ભાર આપવા ઉમેરાયું છે.