જળસંકટ / તાપીના ઉકાઈ ડેમમાં પાણીનું સ્તર ઘટતા 17મી સદીનો કિલ્લો દેખાયો

તાપીના ઉકાઇ ડેમના કેચમેન્ટ વિસ્તારના પાણીના સ્તરમાં ઘટાડો થતા પાણીમાં ગરકાવ 17મી સદીનો ગાયકવાડ રાજાનો કિલ્લો દેખાયો છે. આ ઐતિહાસિક કિલ્લો પ્રથમ વખત 1997માં દેખાયો હતો. ત્યાર બાદ 21 જૂન 2016માં અને 7 જૂન 2018માં ફરી દેખાયો હતો. ત્યારે ચાલુ વર્ષે પ્રથમવખત આજે આ કિલ્લો જોવા મળ્યો છે. કિલ્લાની ટોચના ભાગે તોપો અને દીવાલ નજરે પડી રહી છે. જો કે ગાયકવાડ કિલ્લાને જોવા આવતા લોકો માટે પ્રતિબંધ મૂકી દેવાયો છે. હાલ ઉકાઇ ડેમની સપાટી 280.91 ફૂટ છે જે ગત વર્ષની સરખામણીએ 13.88 ફૂટ ઓછી નોંધાઇ છે.