T20 વર્લ્ડ કપ જીત્યાના લગભગ 130 દિવસ પછી ઈંગ્લેન્ડની ટીમે દેશના પ્રધાનમંત્રી ઋષિ સુનક સાથે ઉજવણી કરી હતી, સુનકનો ક્રિકેટ રમતા વીડિયો હાલ સોશિયલ મીડિયા પર વાયરલ થયો.
પીએમ ઋષિ સુનકે વિશ્વ કપ જીતનાર આખી ટીમ સાથે ઉજવણી કરી
સુનકનો ક્રિકેટ રમતા વીડિયો હાલ સોશિયલ મીડિયા પર વાયરલ
T20 વર્લ્ડ કપ 2022 જીતનાર ઈંગ્લેન્ડની ટીમે દેશના પ્રધાનમંત્રી ઋષિ સુનક સાથે વર્લ્ડ ચેમ્પિયન બનવાની ઉજવણી કરી હતી. જણાવી દઈએ કે ઇંગ્લેન્ડે 2022ના T20 વર્લ્ડ કપ જીત્યાના લગભગ 130 દિવસ પછી તેની ઉજવણી કરી છે. ઋષિ સુનક પ્રધામંત્રી બન્યા બાદ બીજા કામોમાં વ્યસ્ત હતા અને આ કારણે તેને ક્રિકેટ ટીમ સાથે વિશ્વ વિજયની ઉજવણી કરવાનો સમય મળ્યો નહતો પણ હવે જ્યારે એમને સમય મળ્યો ત્યારે તેને વિશ્વ કપ જીતનાર આખી ટીમ સાથે ઉજવણી કરી છે.
વિજેતા ટીમના દરેક સભ્યો પીએમ ઋષિ સુનકને મળ્યા હતા અને આ દરમિયાન ઋષિ સુનક દરેક ખેલાડીઓ સાથે ક્રિકેટ રમ્યા હતા. નોંધનીય છે કે સુનકનો ક્રિકેટ રમતા વીડિયો હાલ સોશિયલ મીડિયા પર વાયરલ થઈ રહ્યો છે. આ વીડિયોમાં સુનક સહિત ઈંગ્લેન્ડની ટીમના તમામ ખેલાડીઓ ફોર્મલ ડ્રેસમાં ક્રિકેટ રમી રહ્યા છે.