જામનગરમાં સસ્પેન્ડેડ PSIના 13 વર્ષના પુત્રએ પરાક્રમ કરીને સાયબર ક્રાઈમની ઓફિસમાંથી દોઢ લાખની કિંમતના દારૂની ચોરી કરતાં પોલીસ બેડામાં ચકચાર મચી છે.
જામનગરમાં PSIના 13 વર્ષના પુત્રએ કરી ચોરી
સાયબર ક્રાઈમ ઓફિસમાંથી ચોરી કરી
દોઢ લાખનો દારૂ ચોરી કોઈ ફરાર
જામનગરમાં પોલીસ હેડ કવાર્ટરમાં આવેલી સાયબર ક્રાઇમ ઓફિસ પાછળના રૂમના દરવાજા અને તાળા તોડી દારૂ બિયરના જથ્થાની ચોરી કરી હોવાની સીટી બી ડિવિઝનમાં ફરિયાદ નોંધાવવામાં આવી છે. પોલીસની માલિકાની જગ્યામાંથી ચોરી થઈ હોવાનું સામે આવતા પોલીસ બેડામાં ચકચાર મચી ગઇ છે.આ મામલે તપાસમાં સસ્પેન્ડેડ પીએસઆઈના પુત્રએ જ દારૂના મુદામાલની ચોરીના ગુન્હાને અંજામ આપ્યો હોવાનું સામે આવ્યું છે. આ મામલે સીટી સી ડિવિઝને તપાસ આદરી હતી અને એક દિવસમાં પોલીસે આ ચોરીનો ભેદ ઉકેલી નાખ્યો છે. પોલીસે 13 વર્ષના સગીર આરોપીની અટકાયક કરી કાર્યવાહી હાથ ધરી છે.
પીએસઆઇના 13 વર્ષીય પુત્રે કર્યુ પરાક્રમ
બાપ તો બાપ, પણ બેટા પણ સવાયા નીકળ્યા એવું વારંવાર સાંભળવા મળે છે. ત્યારે જામનગરમાં આવો કિસ્સો સામે આવ્યો છે. જેમાં અગાઉ જામનગર અને દેવભૂમિ દ્વારકા જિલ્લામાં પીએસઆઇ તરીકે ફરજ બજાવી ચૂકેલા શૈલેદ્રસિંહ ભદોરીયાના 13 વર્ષીય પુત્રે પરાક્રમ કર્યુ હોવાનું પોલીસની તપાસમાં સામે આવ્યું છે. પોલીસની જ માલિકીની જગ્યામાં સસ્પેન્ડેડ શૈલેદ્રસિંહ ભદોરીયાના દીકરાએ દારૂની બોટલનો હાથફેરો કર્યો હોવાનું સામે આવ્યું છે.
સગીરે કેવી રીતે ચોરીને અંજામ આપ્યો ?
જામનગરના પોલીસ હેડ કવાર્ટરમાં આવેલી સાઇબર ક્રાઇમ ઓફિસ પાછળના ઓફિસર કવાર્ટરના મુદ્દામાલના રૂમમાંથી પીએસઆઇ ભદોરીયાના 13 વર્ષીય પુત્રે છેલ્લા ચારેક મહિનાના ગાળા દરમિયાન મુદ્દામાલ રૂમના દરવાજા અને તાળા તોડી અંદર પ્રવેશ કરી રૂપિયા દોઢ લાખની કિંમતની 317 બોટલ દારૂ તેમજ 14 હજાર 500ની કિંમતનો વધુ 29 બોટલ દારૂ ઉપરાંત બિયરના બે ટીનની ચોરી કરી હોવાની વિગતો સામે આવી હતી. જેને લઈને સીટી સી ડિવિઝન પોલીસ દફ્તરના પીઆઇ કે એલ ગાધેએ સસ્પેન્ડ પીએસઆઇના પુત્ર સામે દારૂ સંબંધિત અને ચોરી સંબંધિત ફરિયાદ નોંધાવી હતી. આ ફરિયાદના આધારે સીટી બી ડિવિઝન પોલીસ સ્ટેશનના પીઆઇ કે જે ભોયે સહિતના સ્ટાફે તપાસ હાથ ધરી છે. શૈલેદ્રસિંહ ભદોરીયાના પુત્રએ ચોરીનો ખેલ પાડતા પુરા શહેરમાં ચર્ચાનો વિષય બન્યો છે.