સુરત / 'સ્મિત' આપતા ગયા સુરતના મિત અને ક્રિશ : બે મિત્રો એકસાથે બ્રેઈન ડેડ થયા, 13 અંગોનું કરાયું દાન

• મરતા મરતા અન્ય લોકોને આપ્યુ નવું જીવન
• સુરતના બે મિત્રોના 13 અંગો દાન કરાયા 
• બંને મિત્રો અકસ્માતને કારણે બ્રેઈન ડેડ થયા હતા

ડાયમંડ સીટી સુરતમાં માનવતાનું ઉત્તમ ઉદાહરણ પુરુ પાડતો એક બનાવ સામે આવ્યો છે. અહીયા બે મિત્રોને એક કાર ચાલકે અડફેટે લીધા હતા. જેના કારણે તેઓ ગંભીર રીતે ઘાયલ થયા અને બાદમાં હોસ્પિટલ તંત્ર દ્વારા તેમને બ્રેઈન ડેડ જાહેર કરવામાં આવ્યા હતા. પરંતુ બ્રેઈન ડેડ થયા બાદ તેમના 13 અંગોનું દાન કરવામાં આવ્યું છે.

કિડની ટ્રાન્સપ્લાન્ટ કરવામાં આવી 

સુરતના વેસુ વિસ્તારમાં એક કારચાલકે બંને મિત્રોને અડફેટે લીધા હતા. આ ગમખ્વાર અકસ્માતમાં બંને મિત્રોના માથે ગંભીર ઈજા થઈ હતી. બંને મિત્રોના નામ ક્રિશ અને મિત હોવાનું સામે આવ્યું છે. બંને મિત્રોની 4 કિડનીને અમદાવાદ ખાતે કિડની હોસ્પિટલમાં ટ્રાન્સપ્લાન્ટ કરવામાં આવી છે. 

CRPFના જવાનમાં ફેફસા ટ્રાન્સપ્લાન્ટ 

બ્રેઈનડેડ થયા બાદ ક્રિશના ફેફસા હૈદરાબાદ ખાતે CRPFના જવાનમાં ટ્રાન્સપ્લાન્ટ કરવામાં આવ્યા. જ્યારે મિતનું હ્રદય અમદાવાદમાં વડોદરાની એક 21 વર્ષીય યુવતીમાં ટ્રાન્સપ્લાન્ટ કરવામાં આવ્યું સાથેજ તેનુ લીવર બાયડના 47 વર્ષીય શિક્ષકમાં ટ્રાન્સપ્લાન્ટ કરવામાં આવ્યું હતું. 

55 વર્ષીય વ્યક્તિમાં લિવર ટ્રાન્સપ્લાન્ટ 

આ સિવાય ક્રિશનું લિવર પણ અમદાવાદમાં રહેતા 55 વર્ષીય વ્યક્તિમાં ટ્રાન્સપ્લાન્ટ કરવામાં આવ્યું હતું. આપને જણાવી દઈએ કે કિડની, લિવર, હ્રદય અને ફેફસા સમયસર પહોચાડવા માટે 4 ગ્રીન કોરિડોર બનાવામાં આવ્યા હતા. જ્યાથી ઝડપભેર અંગોને ટ્રાન્સફર કરવામાં સાથેજ દરેક અંગોનું ટ્રાન્સપ્લાન્ટ પણ સફળ રહ્યું હતું. 

દરેક અંગોનું ટ્રાન્સપ્લાન્ટ સફળ રહ્યું 

ઉલ્લેખનીય છે કે બંને મિત્રોએ દુનિયાને તો અલવીદા કહી દીધું. પણ તેઓ જતા જતા પણ ઘણા લોકોને નવું જીવન આપતા ગયા. ખાસ કરીને તેમના અંગો જે પણ વ્યક્તિમાં ટ્રાન્સપ્લાન્ટ કરવામાં આવ્યા છે. તે દરેકનું ઓપરેશન સફળ રહ્યું જે સૌથી મોટી વાત કહી શકાય.