અમેરિકા / ના ભૂલીશું, ના માફ કરીશું, એક-એકને મારીશું : કાબુલમાં 13 સૈનિકોની શહીદી બાદ બાયડનની હુંકાર

• બોમ્બ બ્લાસ્ટમાં અમેરિકાના 13 જવાનો શહિદ 
• બાયડને કહ્યું અમે આ ઘટનાને ભૂલીશું નહી 
• સમગ્ર ઘટનામાં કુલ 72 લોકોના મોત 

અફઘાનિસ્તાનના કાબુલમાં ગતરોજ જે બોમ્બ બ્લાસ્ટ થયા છે તે બ્લાસ્ટમાં અમેરિકાના 13 જવાનોની મોત થઈ છે. એરપોર્ટ પર જે બ્લાસ્ટ થયો છે. તેમા 12 અમેરિકી સૈનિક અને એક ડૉક્ટર હોવાનું સામે આવ્યું છે. આ ઘટનામાં કુલ 72 લોકો માર્યા ગયા હોવાની પુષ્ટી થઈ છે. જોકે બ્લાલ્ટ પછી પણ અમેરિકાએ તેના નાગરીકોને કાબુલમાંથી બહાર કાઢવાની પ્રક્રિયા યથાવત રાખી છે.

જો બાયડનની ખુલ્લી ચેતવણી 

કાબુલમાં જે બોમ્બ બ્લાસ્ટ થયા છે. તેને લઈને અમેરિકાના રાષ્ટ્રપતિ જો બાઈડને ખુલ્લી ચેતવણી આપીને કહ્યું કે અમે માફ નથી કરવાના અને અમે આ ઘટનાને ભૂલીશું નહી. સાથેજ તેમણે એવું પણ કહ્યું કે વીણીવીણીને અમે શિકાર કરીશું. 

અમેરિકી નાગરીકોને બહાર કાઢવામાં આવશે 

વધુંમાં જો બાયડને કહ્યું આ હુમલામાં તાલિબાન અને ઈસ્લામીક સ્ટેટ બંને મળેલા હોય તેવા કોઈ પુરાવા હજુ નથી મળ્યા. સાથેજ તેમણે એવું પણ કહ્યું અફઘાનિસ્તાનમાં જે પણ અમેરિકી નાગરીકો ફસાયેલા છે તેમને અમે જરૂર બહાર કાઢીશું.

ઘટનામાં કુલ 60 કરતા વધું જવાનો ઘાયલ 

અમેરિકાના 2 અધિકારીઓનું કહેવું છે કે આ બોમ્બ બ્લાસ્ટમાં 60 કરતા પણ વધારે જવાનો ઘાયલ થયા છે. તો બીજી તરફ રશિયાના વિદેશ મંત્રાલય દ્વારા કહેવામાં આવ્યું કે એરપોર્ટ પાસે 2 આત્મઘાતી હુમલાખોર અને બંદૂકધારિઓએ ભીડને ટાર્ગેટ કરીને હુમલાને અંજામ આપ્યો હતો. જેના કારણે ઘણા ખરા લોકો માર્યા ગયા છે. 

હોસ્પિટલમાં બેડની સંખ્યા વધારવામાં આવી 

ઉલ્લેખનીય છે કે સમગ્ર મામલે અફઘાનિસ્તાનમાં હોસ્પિટલોનું સંચાલન કરવા વાળી ઈટલીની સંસ્થાએ એવું કહ્યું કે હુમલામાં ઘાયલ થયેલા 60 લોકોના હાલ ઈલાજ થઈ રહ્યા છે. જ્યારે 10 લોકો હોસ્પિટલમાં પહોચે તે પહેલાજ તેમણે દમ તોડી દીધો. ઉપરાંત તેમણે કહ્યું કે ઘાયલોની વધતી સંખ્યાને કારણે તેમણે હોસ્પિટલમાં બેડની સંખ્યા પણ વધારી દીધી છે.