- અમદાવાદમાં બે મહિના પહેલાની ઘટનાનો ભેદ
- 1.25 કરોડના દાગીના લઈને ભાગેલો ઝડપાયો
- તફડાવેલા દાગીના વેંચવા રાજસ્થાનથી આવ્યો હતો
અમદાવાદમાં સોની વેપારીની આંખમાં ધૂળ ઝોંકી એક્ટીવા સાથે 1 કરોડ 25 લાખ રૂપિયાની કિમતના સોનાના દાગીના લઈ રાજસ્થાન રફુચક્કર થઇ ગઈ ગયેલો દુકાનનો નોકર દાગીના વેંચવા ફરી અમદાવાદ આવ્યો હતો. પોલીસને મળેલી પૂર્વ બાતમીના આધારે પોલીસે સંદિગ્ધ જણાતા શખ્સને હાજીપુરના નમસ્તે સર્કલ નજીક પાસેથી ઝડપી લીધો હતો. આ એ જ નોકર છે જેમને સોની દુકાનદારે નાસી ગયાના અઢી મહિના પહેલા જ પોતાની દુકાનમાં નોકરીએ રાખ્યો હતો. આનંદ રાજપૂત નામનો આ શખ્સની પાસે રહેલા કાપડના મોટા થેલામાંથી રૂપિયા 1.10 કરોડના 2 કિલો 710 ગ્રામ દાગીના જપ્ત કર્યા હતા.
શું હતી ઘટના
16 ઓક્ટોબરના રોજ બપોરે 1 કલાકની આસપાસ બે થેલામાં સોનાના સેટ, બુટ્ટીઓ, મંગળ સૂત્ર, લકી કડા સહિત રૂ. 1.25 કરોડની કિંમતના દાગીના લઈ એક્ટિવા પર મુકેશભાઈ આનંદસિંહ સાથે જઈ રહ્યા હતા. અને અનેક દુકાનોમાં દાગીના બતાવી માલિક નરોડા આદિશ્વર કેનાલ પાસે એક્ટીવા ઊભું રાખી સોનાની ભાળ કારીગરને સોંપી કુદરતી હાજતે ગયા હતા પણ આરોપી કારીગરનું મન મેલુ હતું મુકેશભાઈ શૌચ કરવા ગયા ત્યારે આનંદસિંહ તક ઝડપી 1.25 કરોડના ઘરેણાં ભરેલી બેગ એક્ટીવા સાથે લઈ ગુમ થઈ ગયો હતો.
અઢી મહિના પહેલા જ કારીગરને રાખ્યો હતો કામે
દાગીના બનાવનાર વેપારી માણેક ચોક ખાતે M H જ્વેલર્સ નામે દુકાન ધરાવે છે. આરોપી કારીગરોને 80 દિવસ પહેલા જ કામે રાખ્યા હતા. પહેલા તેમના જ ગામનો અને સમાજનો ગણેશભાઈ ઘાંચી નામનો વ્યક્તિ આવ્યો હતો તેના જ ગામના આનંદસિંહ રાજપૂત નામના વ્યક્તિને માસિક 9000ના પગારે કામ પર લીધો હતો. મુકેશભાઈ સાથે આનંદસિંહ સોનાના દાગીના લઈ દુકાને ફરતો હતો.
દાગીના લઈને ભાગ્યા પછી શું કર્યું ? ક્યાં હતો આરોપી ?
મુકેશભાઈ કુદરતી હાજતે ગયા,અને તકનો લાભ લઈને આનંદસિંહ એકટીવા સાથે રૂપિયા 1.25 કરોડના દાગીના લઈને પોબારા ભણી ગયા બાદ, તેણે ઇન્ડિયા કોલોની પાસે એકટીવા મૂકી દીધું. દરમિયાન તેણે પોતાના મિત્ર ગણેશ પ્રભારામ ઘાંચીને ફોન કર્યો. અને આરોપી આનંદ અને ગણેશ દાગીના ભરેલા થલા સાથે અમદાવાદ છોડીને ભાગી ગયા. સવા કરોડની માલમતા સાથે કેવી રીતે સાચવવી તેની મથામણમાં સતત રહેતા બંને, જુદી-જુદી જગ્યાએ રખડ્યા બાદ થાકી-હારીને રાજસ્થાન પહોચ્યાં હતા. આટલી મોટી રકમના દાગીનાઓમાથી કેટલાક ગણેશ ખુદ લઈને ભાગી ગયો હતો. સોની માલિક પાસેથી દાગીના તફડાવ્યાની વાતને બે મહિના જેટલો સમય થઇ ગયો છે અને વાત વિસારે પડી ગઈ હશે તેમ માનીને આનંદ પોતાની પાસે રહેલા દાગીનાઓનો દલ્લો લઈને અમદાવાદ આવ્યો હતો.આરોપીને મનોમન હતું કે, આ ઘરેણા વેંચાઈ જાય એટલે જે રકમ આવે તે ઉસેડીને પાછો રાજસ્થાન ભેગો થઇ જશે.
હજુ ગણેશ ઘાંચીની શોધ જારી
આરોપી આનંદ પાસે રહેલા થેલામાંથી પોલીસે અંદાજે 1 કરોડ 10 લાખના વિવિધ ડીઝાઈનના દાગીનાઓ સાથે 2 કિલો 710 ગ્રામ ચાંદી પણ કબજે કરી છે. હવે આનંદ પાસેથી કેટલાક દાગીના લઈને ભાગેલા ગણેશ ઘાંચીને પોલીસ શોધી રહી છે. ગણેશ ક્યાં છે ? કેટલી મતાનાં દાગીના લઈને ભાગ્યો છે ? જુદી-જુદી ડીઝાઈનના ઘરેણા તેણે વેંચી દીધા છે કે કેમ ? આ બધા સવાલો અનુત્તર છે. પોલીસ આ અંગે,આરોપી આનંદ પાસેથી કેટલીક વધુ માહિતી કઢાવી શકશે. જો કે ,પોલીસનું ધ્યાન અત્યારે,ગણેશ ગાંચીને પકડવા તરફ છે.
