અમદાવાદ / ઉછીનાં આપેલાં પૈસા પાછા માંગતા ધો.12નાં વિદ્યાર્થીને મિત્રોએ ચપ્પાનાં ઘા માર્યા

• ધો. 12 નાં વિદ્યાર્થીને 3 મિત્રોએ ચપ્પાનાં ઘા માર્યા
• ઉછીનાં આપેલા પૈસા પાછા માંગતાં મિત્રએ કર્યો વાર 
• ત્રણેય મિત્રોએ કિશોરને જાનથી મારી નાંખવાની ધમકી આપી હતી

ધો. 12 નાં વિદ્યાર્થીને 3 મિત્રોએ ચપ્પાનાં ઘા માર્યા

અમદાવાદ ઓઢવ વિસ્તારમાં આવેલ શીતલછાયા સોસાયટીમાં રહેતાં અને વસ્ત્રાલમાં આવેલ મહાદેવનગરની જ્ઞાનોદય વિદ્યાલયનાં ધોરણ-૧રમાં અભ્યાસ કરતાં આકાશ ઉપાધ્યાયે ઓઢવ પોલીસ સ્ટેશનમાં ત્રણ મિત્રો વિરુદ્ધમાં ફરિયાદ દાખલ કરી છે. 

ઉછીનાં આપેલા પૈસા પાછા માંગતાં મિત્રએ કર્યો વાર 

આકાશ અને તેના મિત્ર વિકાસ અને અતુલ બાઈક પર જતાં હતાં. ત્યારે ત્રણેય યુવકો પૈકી અતુલ પાસે આવીને કહેવાં લાગ્યાં કે તારી પાસેથી ત્રણ હજાર રૂપિયાં લીધા તે પાછાં નહીં મળે. અતુલે તારા પૈસા આપવાં પડશે તેમ કહેતાં રાહુલ એકદમ ઉશ્કેરાઈ ગયો હતો અને અતુલ પર એકાએક હુમલો કરી દીધો હતો. 

ત્રણેય મિત્રોએ જાનથી મારી નાંખવાની ધમકી આપી હતી

આકાશ અને શિવમ અતુલને છોડાવવા જતાં રાહુલે બંનેને પીઠ અને શરીર  પર ચપ્પાનાં ઘા ઝીંકી દીધા હતા.  ત્યારબાદ શિવમનાં એક્ટિવાની તોડફોડ કરીને ધમકી આપતાં કહ્યુ હતું કે, હવે પછી જો પૈસા માગ્યા તો જાનથી મારી નાખીશ.  ધમકી આપીને રાહુલ અને તેનાં બે મિત્રો ફરાર થઈ ગયા હતા. ઇજાગ્રસ્ત આકાશ અને શિવમને સારવાર માટે હોસ્પિટલમાં ખસેડવામાં આવ્યાં હતા. પોલીસે રાહુલ તથા બે મિત્રો  શિવમ અને અમન વિરુદ્ધમાં ગુનો નોંધીને તપાસ હાથ ધરી છે.