પૂર્વા એક્સપ્રેસના 12 ડબ્બા પાટા પરથી ઉતરી જતા ટ્રેન દુર્ઘટના ઘટી. પૂર્વા એક્સપ્રેસ હાવડાથી નવી દિલ્લી જઈ રહી હતી ત્યારે મોડી રાતે 12 ડબ્બા પાટા પરથી ખડી પડ્યા છે. જો કે, સદનસીબે આ દુર્ઘટનામાં કોઈ જાનહાનિ થઈ નથી.
ઉત્તરપ્રદેશના કાનપુરમાં આવેલા રૂમા ગામ નજીક મોડી રાતે ટ્રેન દુર્ઘટના સર્જાઈ છે. પૂર્વા એક્સપ્રેસના 12 ડબ્બા પાટા પરથી ઉતરી જતા ટ્રેન દુર્ઘટના ઘટી. પૂર્વા એક્સપ્રેસ હાવડાથી નવી દિલ્લી જઈ રહી હતી ત્યારે મોડી રાતે 12 ડબ્બા પાટા પરથી ખડી પડ્યા છે. જો કે, સદનસીબે આ દુર્ઘટનામાં કોઈ જાનહાનિ થઈ નથી.
આ દૂર્ઘટનામાં 20 જેટલા મુસાફરો ઈજાગ્રસ્ત થતાં તેઓને સારવાર માટે હોસ્પિટલ ખસેડવામાં આવ્યા છે. જ્યારે દુર્ઘટના બાદ રાહત અને બચાવ કાર્ય પણ હાથ ધરવામાં આવ્યું છે. કાનપુરના ડીએમ વિજય વિશ્વાસ પંતે કહ્યું કે, દુર્ઘટનામાં કોઈ જાનહાનિ થઈ નથી. યાત્રીઓને કાનપુર સેન્ટ્રલ સુધી લઈ જવા માટે વિવિધ બસોની વ્યવસ્થા કરવામાં આવી છે.
રેલવે અધિકારીઓનું કહેવું છે કે કાનપુરથી દિલ્લી આવનારા યાત્રીઓ માટે એક ખાસ ટ્રેનની વ્યવસ્થા કરવામાં આવી છે. હાવડાથી નવી દિલ્લી જઇ રહેલી પૂર્વા એક્સપ્રેસ (અપ, 12303) શુક્રવારે મોડી રાત્રે અંદાજે એક વાગ્યાની આસપાસ કાનપુરથી નજીક 12 કિલોમીટર દૂર રૂમા ગામમાં દૂર્ઘટનાગ્રસ્ત થઇ ગઇ.
એક મળતાં અહેવાલ મુજબ ટ્રેન બે ભાગમાં અલગ થઇ ગયા બાદ પાટા પરથી ખડી પડી. સૂત્રોને મળતી માહિતી મુજબ 12 ડબ્બા પાટા પરથી ખડી પડ્યાં જેમાં 8 એસી કોચ અને પેન્ટ્રીકાર છે. જો કે દૂર્ઘટના બાદ હાલમાં રાહત અને બચાવ કાર્ય પૂરજોશથી ચલાવામાં આવી રહ્યું છે. રેલવે વિભાગ દ્વારા હેલ્પલાઇન નંબર આપવામાં આવ્યો છે જે 05122323015.