વેટ ચોરી / સોરાષ્ટ્ર-કચ્છમાં GST વિભાગ એકશન મોડમાં, 26 પેટ્રોલ પંપ પર રેડ થતા કરોડોની વેટચોરીનો પર્દાફાશ

• સૌરાષ્ટ્ર કચ્છમાં GST વિભાગની મોટી કાર્યવાહી 
• 26 પેટ્રોલપંપ પર એક સાથે કરી રેડ 
• 11 કરોડની વેટચોરીનો પર્દાફાશ 

સૌરાષ્ટ્ર-કચ્છમાં આજે GST વિભાગ દ્વારા મોટી કાર્યવાહી કરવામાં આવી છે. છેલ્લા કેટલાય સમયથી GST વિભાગને શંકા હતી જે શંકાને લઈને આજે GST વિભાગ દ્વારા જુદા જુદા 26 જેટલા પેટ્રોલ પંર પર વેટ ચોરીને લઈને રેડ કરવામાં આવી. જેમા મોટા પ્રમાણમાં આજે GST વિભાગ દ્વારા વેટચોરી ઝડપી પાડવામાં આવી છે. 

11 કરોડની વેટચોરી 

GST વિભાગ દ્વારા આજે જે દરોડા પાડવામાં આવ્યા છે. તેમાં કુલ 11 કરોડની વેટ ચોરી ઝડપાઈ છે. આ ખુલાસા બાદ સૌ કોઈ ચોંકી ગયા છે. સાથેજ GST વિભાગે કરેલી કાર્યવાહીને લઈને લોકો હાલ તેમના વખાણ કરી રહ્યા છે. 

જુદા જુદા જિલ્લામાં 26 પેટ્રોલપંપ પર રેડ 

જીએસટી વિભાગ દ્વારા જામનગર, જુનાગઢ, જામખંભાળીયાના પેટ્રોલપંપ પર ગેરરીતી ઝડપાઈ છે. સાથેજ પોરબંદર, વેરાવળ, ગાંધીદામના પેટ્રોલપંપમાં પણ ગેરરીતી ઝડપાઈ આવી છે. કુલ 11 કરોડની વેટચોરી ઝડ઼પાવાને કારણે હાલ આ મુદ્દો હાલ ઘણો ચર્ચાનો વિષય બન્યો છે.

પેટ્રોલપંપ સંચાલકોમાં ફફડાટ  

ઉલ્લેખનીય છે કે સૌરાષ્ટ્ર કચ્છમાં જીએસટી વિભાદ દ્વારા જે કાર્યવાહી કરવામાં આવી છે. તેને લઈને પેટ્રોપપંપ સંચાલકોમાં ફફડાટ ફેલાઈ ગયો છે. સાથેજ જે લોકો વેટચોરી કરી રહ્યા હતા. તે લોકોમાં વધારે ફફડાટ જોવા મળી રહ્યો છે. કારણકે જીએસટી વિભાગ દ્વારા સીધી 11 કરોડની મોટી વેટચોરી ઝડપી પાડવામાં આવી છે. તેમા પણ એકસાથે 26 પેટ્રોલ પંપ રેડ કરવામાં આવી હતી.