એક્શન પ્લાન / દિવાળી માટે 108 ઍમ્બ્યુલન્સનો એક્શન પ્લાન તૈયાર: હજારો સ્ટાફ રહેશે તૈનાત, કોરોનાથી સાચવજો તેવી અપીલ

• તહેવારોમાં ઈમરજન્સીને પહોંચી વળવા 108 તૈયાર
• તહેવારોમાં 10થી 12 હજાર ઈમરજન્સી કોલ આવે છે
• 3 દિવસમાં 47 ટકા ઈમરજન્સી કેસ નોંધાય છે

દિવાળીનો તહેવાર નજીક આવી રહ્યો છે ત્યારે દિવાળીને લઈને 108 દ્વારા ખાસ ઈમરજન્સી સેવાઓ માટે એક્શન પ્લાન તૈયાર કરવામાં આવ્યો છે. સામાન્ય દિવસો કરતાં તહેવારોના દિવસોમાં ઈમર્જન્સી કેસમાં વધારો થતો હોય છે, જેમાં સામાન્ય રીતે અકસ્માત, દાઝી જવાની ફરિયાદો 108ને મળતી હોય છે, 108ને સામાન્ય દિવસોમાં મળતાં ઇમરજન્સી કેસ દિવાળી ટાંણે 108ને વધુ કોલ આવતા હોય છે.

તહેવારોમાં ઈમરજન્સીને પહોંચી વળવા 108 તૈયાર

જો વાત કરીએ તો છેલ્લા પાંચ વર્ષમાં દિવાળી, નવા વર્ષ અને ભાઈબીજના દિવસે ઇમરજન્સી કેસમાં વધારો જોવા મળ્યો છે. તહેવારમાં  રોડ અકસ્માતના કેસ પણ વધતા હોય છે, આવા કેસમાં ઈજાગ્રસ્તને તાત્કાલિક સારવાર મળી રહે તે માટે 108 દ્વારા એક્શન પ્લાન તૈયાર કરવામાં આવ્યો છે. હાલમાં રાજ્યમાં અત્યારે કુલ 800 રોડ એમ્બ્યુલન્સ અને 2 બોટ એમ્બ્યુલન્સ કાર્યરત કરાઈ છે. જેમાં 4 હજાર કર્મચારીઓ ફિલ્ડમાં કાર્યરત રહેશે.

તહેવારોમાં 10થી 12 હજાર ઈમરજન્સી કોલ આવે છે

કઠવાડામાં 150થી 200 કર્મચારીઓ કાર્યરત રહેશે, દિવાળીના તહેવારોના 3 દિવસમાં ઈમરજન્સી કેસમાં 47 ટકાનો વધારો જોવા મળતો હોય છે, જેમાં દિવાળીમાં ઈમરજન્સી કેસમાં 15થી 16 ટકાનો વધારો, જ્યારે બેસતા વર્ષે 27 ટકા અને ભાઈબીજમાં 36 ટકાનો વધારો થયો હોય છે તહેવારોમાં 10થી 12 હજાર ઈમરજન્સી કોલની સંભાવના વધી જતી હોય છે, ત્યારે ઈમરજન્સી સેવા માટે એમ્બ્યુલન્સ સાથે તબીબ અને કર્મચારી પણ ખડે પગે રહેશે, સાથે ગંભીર પરિસ્થિતિમાં મોટી હોસ્પિટલો સાથે કોઓર્ડીનેશન કરી ઈમરજન્સી સેવા ઉપલબ્ધ કરાવામાં આવી છે. 

તહેવારોમાં 10થી 12 હજાર ઈમરજન્સી કોલ આવે છે: જસવંત પ્રજાપતિ

દિવાળીમાં 108ના ઈમરજન્સીના એક્શન પ્લાનને લઈને 108 GVKના ચીફ ઓપરેટિંગ ઑફિસર જસવંત પ્રજાપતિએ જણાવ્યું કે તહેવારોમાં ઈમરજન્સીને પહોંચી વળવા 108નું આગોતરૂ આયોજન કરાયું છે. તહેવારોમાં ઈમરજન્સી કોલમાં વધારો થતો હોય છે, તેમજ 3 દિવાસમાં જ 47 ટકાથી વધુ કોલ આવતા હોય છે. આ દિવસોમાં 10થી 12 હજાર કોલ આવતા હોય છે, તેમજ આ દિવસોમાં કોરોના સંક્રમણનો પણ ખતરો વધી જતો હોય છે. એવામાં તહેવારોમાં ભીડભાડ વાળી જગ્યાએ જવાનો ટાળો, સોશિયલ ડિસ્ટસિંગ જાળવો, માસ્ક તેમજ કોવિડ નિયમનું પાલન કરો તેવી અપલ જસવંત પ્રજાપતિ દ્વારા કરવામાં આવી છે.તેમણે હાલ કોરોના માટે 30થી40 એમ્ય્યુલન્સ સેવા આપી રહી છે અને ઈમરજન્સી સેવા કોઈ પણ પરિસ્થિતિને પહોંચી વળવા તૈયાર છે તેવું જણાવ્યું છે.